त्रिभुवन अन्तर्राष्ट्रिय विमानस्थलका पूर्व अध्यागमन प्रमुख सहसचिव तीर्थराज भट्टराई भिजिट भिसाको आवरणमा मानव तस्करी र घुस–घोटाला चलाएको आरोपमा अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ।

अख्तियारले भट्टराईसहित ७ जना र २ ट्राभल एजेन्सीलाई प्रतिवादी बनाउँदै
उनमाथि ७९ लाख ८० हजार रुपैयाँ घुस र
१ करोड ३ लाख ७९ हजार ६ सय रुपैयाँ मनी लाउन्ड्रिङको बिगो दाबी गरेको छ।

अख्तियारले पत्ता लगाएका मुख्य ५ बुँदा

१) कागजात लुकाएर घुस
यात्रुका आवश्यक कागजात प्रणालीमा अपलोड नगरी
हैरानी दिँदै घुस असुल्ने गरेको प्रमाण।

२) मोबाइल र ‘पार्सल’मा घुस
बिचौलियासँग मिलेर रेस्टुरेन्टमै
मोबाइल र नगद **‘पार्सल’**को नाममा उठाउने चलन।

३) पुरुष–महिला छुट्टै दर
डायरीमा कोड भाषा:
पुरुष ०.२ = २०,०००
महिला ०.४ = ४०,०००
छाप लगाउने कामलाई ‘पुक्का’, समूहमै आफूहरूलाई ‘लाइन वाला’ भन्ने गर्थे।

४) घुसको रकम घरजग्गामा
भट्टराईले घुसबाट उठेको पैसा
जग्गा कारोबारीमार्फत लगानी गरी
सम्पत्ति शुद्धीकरण गरेको प्रमाण भेटियो।

५) २५७ ठगिएका यात्रुको उजुरी
घुस तिरेर विदेश पुगेका र त्यहाँ ठगिएका
२५७ यात्रु अख्तियारमा उजुरी लिएर पुगे।