बिहिबार , चैत्र २०, २०८१

अष्ट्रेलियाको मेलबर्नबाट ६० किलोमिटर टाढा कोल्याकमा बसोबास गर्दै आएका ३० वर्षीय प्रमोद आचार्यको सडक दुर्घटनामा निधन भएको छ । ल्याब टेक्नीसियनका रुपमा कृषि फर्ममा काम गर्ने उनी चढेको कार प्रिन्सेस हाईवेको कोला पम्बरनेट रोडमा दुर्घटनामा परेको थियो । बुधबार साँझ करिब साढे ६ बजे भएको दुर्घटनामा प्रमोदको कार र ट्रक ठोक्किएका थिए । प्रहरीका अनुसार दुर्घटनामा परेको अर्को ट्रकका चालक सकुशल रहेको भएपनि प्रमोदको भने घटनास्थलमै ज्यान गएको छ ।

अष्ट्रेलियाका रिजनल बाटोहरुमा कोयला वा कंगारु अचानक आउँदा त्यसलाई बचाउने क्रममा निकै दुर्घटना हुने गरेका छन् ।
प्रहरीले घटनाका प्रत्यक्षदर्शीहरु वा त्यस बाटोबाट ओहोर दोहोर गरेका अन्य सवारीसाधनलाई आफ्नो गाडीमा भएको ड्यासक्याममा केही गतिविधि कैद भएको भए सम्पर्क गर्न अनुरोध गरेको छ ।

सिड्नीमा बस्दै आएका प्रमोद केही समय अघि स्थायी बसोबासका लागि कामको चाँजो मिलाएर रिजनल भिक्टोरियाको कोल्याक सरेका थिए । स्थानीय क्याम्परटाउनमा रहेको एसटी जेनेटिक्समा काम गर्ने उनले कोल्याकमा अवस्थित अष्ट्रल होटलमा समेत पार्ट टाईम काम गर्दथे । होटलमा सँगै कार्यरत रहेका साथी सन्जीव बुढाथोकीका अनुसार प्रमोद एकदमै मेहनती र मिलनसार थिए । संगीतमा समेत रुचि राख्ने उनी आफ्नो कामबाहेक दायाँबायाँ केही नगर्ने व्यक्ति भएको बुढाथोकीले बताए ।

“काममा आउनुपर्ने समय भइसक्दा पनि नआएको अवस्थामा बुझ्दै जाँदा एक व्यक्ति दुर्घटनामा परेको खबर आयो । पछि प्रहरीले प्रमोद नै भएको भन्दै परिवारलाई सम्पर्क गरेको रहेछ । हामी सबै साथीहरु यहाँ मर्माहत भएका छौं । के गर्ने के नगर्ने सोच्न समेत सकेका छैनौं ।” उनले भने । दुर्घटनाको विषयमा मेलबर्न र सिड्नीमा रहेका प्रमोदका आफन्तजनलाई खबर गरिसकिएको समेत उनले जानकारी दिए । नेपालमा चितवन घर भएका प्रमोद आफ्नी श्रीमतीका साथ बस्दै आएका थिए ।

Source: KbcKhabar

प्रतिक्रिया

सम्बन्धित खवर

  चैत्र २०, २०८१ बिहिबार 38 Views

चलचित्र ‘वसन्त’ले कति पायो शो ?

ताजा अपडेट
धेरै पढिएको

१९औ पोखरा अन्तराष्ट्रीय म्याराथन मा सहभागी अष्ट्र्लियाका दशमी गुरुगं ५ किमि भेट्रान्स मा देश्रो ।

लेखकले कुलमानलाई नहटाऔँ भन्दा खड्का र राणा कड्किए- अहिले नहटाए कहिले?

सफल पोखरा अन्तराष्ट्रीय म्याराथनमा सहभागी हुन गुरुङ्ग दाम्पत्ती पोखरा जॉदै।

घरमा एक्लै बस्ने वृद्धवृद्धा मारिने क्रम बढ्यो, सम्पत्ति लुटपाट मुख्य उद्देश्य

अस्ट्रेलियाको डार्विनमा बहु सास्कृतिक होलि पर्व मनाइदै

ओली सरकार ढाल्न चलखेल सुरु, कांग्रेससँग गृहकार्य भइरहेको माओवादी नेता दाहालको खुलासा


TOP