नेकपा (एकीकृत समाजवादी) पार्टीका अध्यक्ष माधवकुमार नेपालले प्रधानमन्त्री केपी शर्मा ओलीलाई भेटेर ज्ञापनपत्र बुझाएका छन् । अध्यक्ष नेपालसहित नेकपा एसका नेताहरु आज बालुवाटार पुगेर प्रधानमन्त्री ओलीलाई भेटेर पार्टीको तर्फबाट ज्ञापनपत्र बुझाएका हुन् ।

ज्ञापनपत्र महासचिव घनश्याम भुसालले वाचन गरेका थिए । बालुवाटारको भेटमा नेताहरु प्रकाश ज्वाला, प्रमेश हमाल, जगन्नाथ खतिवडा, डा. गंगालाल तुलाधर, राजेन्द्र पाण्डेलगायत सहभागी थिए ।

सरकारले यही बैशाख १९ गते सदनमा नीति तथा कार्यक्रम पेश गर्दैछ । नीति तथा कार्यक्रम आउनुअघि नै एकीकृत समाजवादीले प्रधानमन्त्री ओलीलाई भेटेर अहिले देखिएका समस्या समाधानको लागि विभिन्न माग राखी ज्ञापनपत्र बुझाएको हो । जवाफमा प्रधानमन्त्री ओलीले ज्ञापनपत्रको विस्तृत अध्ययन गर्ने र जायज विषयहरु सम्बोधन गर्ने आश्वासन दिएका थिए ।