नेपाली कांग्रेसका महामन्त्री गगनकुमार थापाले नक्कली ठेकेदारहरुले हिन्दु धर्म जोगाउन नसक्ने बताएका छन् । आज (बुधबार) कांग्रेस तनहुँ क्षेत्र नम्बर १ को दोस्रो क्षेत्रीय सम्मेलनलाई सम्बोधन गर्दै उनले अहिले वैद्धिक सनातन हिन्दुहरुको आस्थामाथि चोट पुग्छ कि भनेर ठूलो जमात डराइरहेको बताए । उनले राष्ट्रिय प्रजातन्त्र पार्टीलक्षित गर्दै नक्कली ठेकेदारहरुले हिन्दु धर्मको रक्षा गर्न नसक्ने बताए ।

‘नेपालको सन्दर्भमा पछिल्लो समय धर्म परिवर्तनको कुरा जबरजस्ती, जताततै देखिइँरहेको छ । यसलाई हामीले रोक्नु पनि पर्ने छ । यहाँभित्र वैदिक सनातन धर्मको ठूलो परिवार छ । कतै मेरो, धर्म, आस्थामाथि चोट पुग्छ कि भनेर डराएका जमातसँग संवाद गर्नुपर्छ । यी नक्कली ठेकेदारहरुले जोगाउने होइनन् धर्म फेरि । धर्म तपाईँ हामीले जोगाउने हो । हामीले गएर संवाद, कुराकानी गर्ने हो,’– उनले भने ।
FILE PIC