बालुवाटारस्थित ललिता निवासको जग्गा प्रकरणमा उन्मुक्ति दिईएका पूर्व प्रधानमन्त्रीद्धय डा बाबुराम भट्टराई र माधवकुमार नेपालमाथि मुद्दा चलाउन माग गर्दै सर्वोच्च अदालतमा दायर भएको रिटमाथि सुनुवाइ जारी छ । सर्वोच्चका न्यायाधीश तिलप्रसाद श्रेष्ठ र नित्यानन्द पाण्डेको इजलासमा सो रिटमाथि सुनुवाई जारी छ ।
२०७६ सालमा बरिष्ठ अधिवक्ता बालकृष्ण न्यौपानेले मन्त्रिपरिषद्को निर्णयका आधारमा भएको ललिता निवासको जग्गा किनबेचका मुख्य हर्ताकर्ता माधव र बाबुराममाथि अख्तियार दुरुपयोग अनुसन्धान आयोगले मुद्दा नचलाएको भन्दै सर्वोच्चमा रिट हालेका थिए । रिटमा माधव बाबुरामसहित पुर्व मुख्यसचिव लिलामणी पौड्यालमाथि पनि मुद्दा चलाउनुपर्ने माग गरिएको छ ।
यसअघि तत्कालीन प्रधानन्यायाधीश चोलेन्द्र शमसेर जबरा र न्यायाधीश नहकुल सुवेदीको इजलासले निर्णय सुनाउनका लागि २०७९ कात्तिक १५ गतेको मिति तोकेको थियो । तर, मुद्दाको निर्णय सुनाउनुअघि नै तत्कालीन शेरबहादुर देउवा नेतृत्वको सरकारले राणामाथि महाअभियोगको डन्डा वर्षाएपछि सो प्रकरण त्यसै डिसमिस बन्यो ।
५ वर्षमा १८ पटक पेशी र १३ पटक सुनुवाइको पालो आउँदापनि कुनै छिनोफानो हुन सकेको छैन् ।