युएईलाई हराउँदै नेपाली महिला यू-१९ टोली आइसिसी विश्वकपमा छनोट भएको छ । आजको खेलमा नेपालले महत्वपूर्ण जित निकालेर आगामी जनावरीमा मलेसियामा हुने आइसिसी यू-१९ विश्वकपमा छनोटमा आफ्नो स्थान पक्का बनाएको हो ।
आइसिसी यू-१९ महिला टी–२० विश्वकपको एसिया छनोटअन्तर्गत नेपालले अन्तिम खेलमा आज युएईलाई ८ विकेटले पराजित गरेको हो । नेपालले युएईले दिएको ८४ रनको सामान्य लक्ष्य २ विकेटको क्षतिमा १४.४ ओभरमै भेट्टाएको थियो ।
