नेकपा (एमाले) का बागमती प्रदेश इन्चार्ज डा.राजन भट्टराईले प्रधानमन्त्री केपी शर्मा ओलीलाई भारत भ्रमणको निम्तो आइसकेको बताएका छन् । आज (सोमबार) नेपाली रेडियो नेटवर्कको नेपाली बसहमा पत्रकार ऋषि धमलासँग संवाद गर्दै उनले यस्तो बताएका हुन् ।

‘प्रधानमन्त्रीलाई भारत भ्रमणको निम्ता आइसक्यो ?’ भन्ने प्रश्नमा उनले भने, ‘नआएको भए प्रधानमन्त्रीले म जान्छु भनेर बोल्नुहुन्छ । प्रधानमन्त्रीले सार्वजनिक रुपमा बोलेको कुरा तपाईँ हामीले चिया खाँदा गफ गरेको जस्तो हो र ? त्यसलाई त्यति हलुका रुपमा लिन हुँदैन । प्रधानमन्त्रीले म अब निकट भविष्यमै भारत भ्रमणमा जान्छु भनिसक्नु भएको छ । भारत भ्रमण निकट भविष्यमै हुन्छ । हाम्रो भारतसँगको सम्बन्ध अत्यन्तै सुमधुर छ ।’

साथै, प्रधानमन्त्री ओलीले देशको नेतृत्व लिएसँगै अर्थतन्त्र लयमा फर्र्किएको उनको दाबी छ । नेता भट्टराईले प्रधानमन्त्री ओलीकै नेतृत्वमा देशका साह्रा समस्या समाधान हुने उनको भनाइ छ ।