झाँक्री प्रकाश भुजेलले चलाएको गाडीको ठक्करबाट मृत्यु भएका नारायण नगरकोटीका र सानुमाया नगरकोटीका दुई छोरीहरूसँग पूर्वप्रधानमन्त्री पुष्पकमल दाहाल प्रचण्डले भेट गरेका छन् ।

शनिबार बिहान खुमलटारमा छोरीहरू गरिमा र अनुलाई बोलाएर भेट गर्दै स्टेशनरी सामानहरू प्रदान गरिएको प्रचण्डको सचिवालयले जनाएको छ ।

गत २८ कात्तिकमा भुजेलले चलाएको बा १९ प २६०५ नम्बरको कारले नगरकोटी दम्पती सवार गाडी दुर्घटना भएको थियो ।

उक्त दुर्घटनामा गम्भीर घाइते भएका नगरकोटी दम्पतीको ग्राण्डी अस्पतालमा उपचारका क्रममा निधन भएको थियो ।

यसअघि १० मंसिरमा नगरकोटीको घरमै पुगेर प्रचण्डले अभिभावक बन्ने घोषणा गरेका थिए । नारायण कागेश्वरीका माओवादी नेता समेत हुन् ।

अध्यक्ष प्रचण्डको अभिभावकीय भूमिकालाई सहजीकरणका लागि शनिबार उद्धव नेपालले स्टेशनरी र सबै लजिष्टिकको जिम्मेवारी लिएको सचिवालयले बताएको छ ।