निरौला र पाण्डे सर्वोच्च अदालतको न्यायाधीश नियुक्त
कार्तिक २५, २०८१ आइतबार ५० पटक हेरिएको
राष्ट्रपति रामचन्द्र पौडेलले नृपध्वज निरौला र नित्यानन्द पाण्डेयलाई सर्वोच्च अदालतको न्यायाधीश नियुक्त गरेका छन् । आज (आइतबार) राष्ट्रपति पौडेलले संविधानको धारा १२९ (२) बमोजिम निरौला र पाण्डेयलाई न्यायाधीश नियुक्त गरेका हुन् ।
सर्वोच्चको न्यायाधीशमा निरौला र पाण्डेयको नाम संसदीय सुनुवाइ समितिले गत शुक्रबार सर्वसम्मत अनुमोदन गरेको थियो । यसअघि पाण्डे उच्च अदालत तुलसीपुरको र निरौला उच्च अदालत पाटनका मुख्य न्यायाधीश थिए ।
