काठमाडौं । काठमाडौं  महानगरपालिकाले आजदेखि महानगर क्षेत्रभित्र सुर्तीजन्य पदार्थको बिक्री वितरणमा रोक लगाएको छ।

दुई साताअघि मंसिर १२ गते  काठमाडौँ महानगरपालिकाले सार्वजनिक सूचना अनुसार आजदेखि  महानगर क्षेत्रभित्र सुर्तीजन्य पदार्थको बिक्री वितरण गर्न पाईने छैन् ।

महानगर क्षेत्रभित्र प्लास्टिकमा प्याकेजिङ्ग गरिएका खैनी, गुट्खा, पान पराग वा यस्तै प्रकृतिका मुखमा राख्ने रस लिने वा सेवन गर्ने सुर्तीजन्य पदार्थको बिक्री वितरणमा १५ दिनपछि पूर्ण रुपमा प्रतिबन्ध लगाउने घोषणा गरेको थियो।

महानगरको सो घोषणा आजबाट लागू भएको हो। सूचना  अवज्ञा गरी बिक्री वितरण गरेको पाइएमा महानगरका प्रहरी मार्फत त्यस्ता जफत गरी बिक्री वितरण गर्ने व्यवसायीलाई कानुन अनुसार अधिकतम सजाय गरिने चेतावनीसमेत महानगरले दिएको छ।