काठमाडौं  । नेपालले आइसिसी विश्वकप लिग–२ को पहिलो सिरिज आगामी फागुनमा घरेलु मैदानमै खेल्ने भएको छ । नेपाल क्रिकेट संघ (क्यान) ले नेपाल, नेदरल्यान्ड्स र नामिबियाबीच आगामी फागुन ५ देखी (फेब्रुअरी १७) देखी सुरु हुने जानकारी दिएको हो ।  नेपालले दुबै टोलीसँग समान दुई खेल खेल्नेछ ।

यसपटक देखि नेदरल्यान्ड्सले पनि लिग–२ नै खेल्नेछ । नेदरल्यान्ड्सले २०१९ देखी २०२३ सम्म १२ टेस्ट टोलीसँग सुपर लिग खेलेको थियो । तर सुपर लिगबाट नेदरल्यान्ड्सलाई लिग २ मा झारेको हो ।

२०२७ सम्म चल्ने लिग–२ मा नेपाल, युएई, ओमान, स्कटल्यान्ड, नेदरल्यान्ड्स, नामिबिया, अमेरिका र क्यानडा छन् । त्रिकोणात्मक सिरिजको रुपमा खेल्नेछन् । नेपालले सबै देशसँग भ्रमण गर्नेछ ।  यसअघि सन् २०१९ देखि २०२३ सम्म भएको लिगमा नेपालले तेस्रो स्थान हासिल गरेर जिम्बावेमा विश्वकप छनोट खेलेको थियो । यसअघिको लिग २ मा शीर्ष तीन टोलीले सोझै विश्वकप छनोट खेल्न पाएका थिए । यो लिग–२ पनि २०२७ को विश्वकप छनोटको चरण हो ।