डार्विनको बाल हेरचाह केन्द्रमा एक बालकको अचानक मृत्यु भएको घटनाबारे प्रहरीले गहन रुपमा अनुसन्धान अघि बढाएको छ । नर्दन टेरिटोरी पुलिसले २०२३ सेप्टेम्बर २ शनिबार डार्विनमा हम्प्टी डूको बाल हेरचाह केन्द्रमा गम्भीर विरामी भएका बालकको उपचारका क्रममा भएको अप्रत्याशित मृत्युको घटनामाथी थप अनुसन्धान गरिरहेको जानकारि दिएको हो ।

सेन्ट जोन एनटीका प्रवक्ताले अगस्ट ३१ मा हम्प्टी डूको बाल हेरचाह केन्द्रमा बालक गम्भीर अवस्थामा भेटिएपछि प्यारामेडिकहरूलाई बोलाइएको जानकारी दिनुभएको छ । यसपछि गम्भिर अवस्थामा रहेका बालकलाई रोयल डार्विन अस्पताल लगिएको भएपनि २ दिनपछि मृत्यु भएको बताइएको छ । घटना के कति कारणले घट्यो ? भन्नेबारे अनुसन्धान थालेको प्रहरी अहिले स्थलगत तथ्यसहितका विभिन्न शंकास्पद प्रमाणको खोजीमा ब्यस्त छ ।

नर्दन टेरिटोरी प्रहरीले घटनाको वास्तविकता बाहिर ल्याउने दाबी गर्दै यस्ता घटना नदोहोरिनेतर्फ सबैलाई सचेत समेत गराउँदै आएको छ ।

NT का कार्यवाहक मुख्य मन्त्री निकोल मनिसनले आज यस त्रासदीको बारेमा कुरा गरे
“अहिले हाम्रो प्राथमिकता यो शोकमा परेका परिवारलाई आवश्यक पर्ने समय र ठाउँ पाउँछ भन्ने कुरा सुनिश्चित गर्नु हो, जबकि यी महत्त्वपूर्ण प्रक्रियाहरू पनि हुन्छन्,” उनले भनिन्।