भवन निर्माण समितिका अध्यक्ष श्री उज्वल प्रसाद कसजुको अध्यक्षतामा र द आर्ट अफ लिभिङ नेपाल, एपेक्स का महासचिव श्री सन्दीप शाहको प्रमुख आतिथ्यतामा सप्पन्न उक्त कार्यक्रममा तिलोत्तमा नगरपालिका – वार्ड नम्बर ३ का अध्यक्ष , कल्याण प्रसाद पौडेल , संस्थाका जिल्ला समन्वय समितिका संयोजक, दिपेन्द्र प्रधान तथा सदस्यहरु , संस्थाका प्रशिक्षक तथा स्वयंसेवकहरु, स्थानीय क्लबका अध्यक्षहरु र स्थानीय समुदायको उपस्थिति रहेको थियो।

कार्यक्रममा बोल्दै प्रमुख अतिथिले केन्द्रको स्थापनाले तनावमुक्त र हिंसा मुक्त समाजको निर्माणमा सहयोग गर्ने बताउनु भयो । कार्यक्रमका बिशिस्ट अतिथि पौडेलले समाजमा शान्ति स्थापना गर्न आफु सदैब द आर्ट अफ लिभिङको साथमा रहेको बताउनु भयो।

औपचारिक कार्यक्रमको संचालन भवन निर्माण समितिका सचीव तथा द आर्ट अफ लिभिङका प्रशिक्षक मनोज सापकोटाले गर्नु भएको थियो। संस्थाका गुरु पुजा पन्डित हरुको गुरु पुजा तथा सत्सङ गायक र स्वयंसेवकहरुको भजन तथा नृत्यले कार्यक्रमलाइ थप आकर्षक बनाएको थियो।