एनआरएनए अष्ट्रेलियाको आगामी निर्वाचनका जुलाई २९ मा हुने भएको छ । निर्धारित मितिमा चुनाव गराउन भन्दै एनआरएनए अष्ट्रेलियाका पूर्व अध्यक्ष समेत रहनुभएका कानुनव्यवसायी टोनु घोतानेको नेतृत्वमा राष्ट्रिय निर्बाचन कमिटी र राज्यस्तरमा समेत निर्वाचन कमिटिलाई पूर्णता दिइएको हो ।

घोताने नेतृत्वको राष्ट्रिय निर्वाचन कमिटिमा राम श्रेष्ठ, निराजन गौली, डा.राजु मानन्धर, सचिन योञ्जन, माधव खरेल, डा. हेमन्त शर्मा, विनोद पौडेल, प्रदिप सुवेदी सदस्य रहनुभएको छ । यस्तै, क्वीन्सल्याण्ड राज्य निर्वाचन कमिसन संयोजकमा रितेश श्रेष्ठ, भिक्टोरियाका लागि डा.तिलक पोखरेल, साउथ अष्ट्रेलियामा कपिल पाण्डे, वेस्टर्न अष्ट्रेलियामा केदार रिजाल, ताजमानियामा रेवन्त बस्नेत, नर्दन टेरिटोरीमा दिनेश सापकोटा, न्युसाउथवेल्समा शिशिर नेपाल र अष्ट्रेलिया क्यापिटल टेरिटोरीमा जिवन राणा संयोजक तोकिनुभएको छ । निर्वाचन कमिटिले पहिलो पटक पत्रकार सम्मेलन आयोजना गर्दै निश्पक्ष, स्वतन्त्र र भयरहित वातावरणमा चुनाव गराउनेगरि तयारी थालिएको जानकारि गराएको छ । निर्वाचन कमिटिले एनआरएनएलाई राजनीतिमुक्त संगठन बनाउने बिधानको व्यवस्थालाई बाईलज मार्फत कार्यान्वयनमा ल्याइएको जानकारि समेत गराएको छ । यो व्यवस्था लागू भएमा नेपालमा रहेका राजनीतिक दलको सदस्यता लिएका, कुनै भातृसंगठनमा आबद्ध भएकाहरुलाई एनआरएनए अष्ट्रेलियाको कार्यसमितिमा प्रवेशमाथी प्रतिबन्ध लाग्नेछ ।

एनआरएनए अष्ट्रेलियालाई गैह्र राजनीतिक सामाजिक संगठनका रुपमा विकास गर्न गहन छलफलपछि यो कदम चालिएको बताइएको छ । २०१७ देखी २०१९ सम्म एनआरएनए अष्ट्रेलियाको अध्यक्ष समेतको अनुभव हासिल गर्नुभएका ईलेक्सन कमिशनर घोतानेले निर्वाचनमा व्यक्तिगत वा समूहगत रुपमा उम्मेदवार दिन सकिने जानकारि गराउनुभएको छ । निर्वाचनलाई पूर्णरुपमा अनलाईन पद्धतीमा सम्पन्न गर्ने, भौतिक उपस्थितिमै गराउने वा मिश्रीत प्रक्रियामार्फत गराउने भन्ने बारे छलफल भैरहेको समेत घोतानेले जानकारि दिनुभएको छ ।