काठमाडौं । नेकपा (एमाले)मा घनश्याम भुसाल, योगेश भट्टराई, ठाकुर गैरे, रामकुमारी झाँक्रीहरुवीच कुनै बेला असाध्यै गहिरो सम्बन्ध र सहकार्य थियो । वैचारिक र भावनात्मक हिसाबले पनि उनीहरु नजिक थिए ।

राजनीतिक रुपमा अघि बढ्नका लागि एकले अर्कालाई सकेको अधिकतम् प्रयास र योगदान रहन्थ्यो । तर अहिले ती मध्येका एक रामकुमारी झाँक्री साथमा छैनन् ।

एमाले छोडेर रामकुमारी माधव नेपाल नेतृत्वको नेकपा (एकीकृत) समाजवादीमा सक्रिय छिन् । एउटै पार्टीमा रहेको बेला सहकार्य र सघाएका नेताहरुको अभाव महसुस भएको पूर्वमन्त्री समेत रहेको नेतृ झाँक्रीले बताएकी छिन् ।

मंगलबार नेकपा (एमाले)का सचिव भट्टराईलाई शुभकामना दिदै झाँक्रीले महत्वपूर्ण निर्णय लिने बेला अभाव महसुस भएको उल्लेख गरेकी छिन् ।

झाँक्रीले लेखेकी छन्, ‘Happy birthday to you Dai, Many many happy returns of a day ahead. आफैंले कुनै महत्त्वपूर्ण निर्णय लिने बेला अभाव महसुस हुने रहेछ दाइ।’