नेकपा माओवादी केन्द्रका अध्यक्ष पुष्पकमल दाहाल प्रचण्डले गठबन्धनलाई ऊर्जा दिने कि आफूलाई टेन्सन दिने फैसला चितवनको जनताको हातमा रहेको टिप्पणी गरेका छन् । आज भरतपुरमा आयोजित सभामा बोल्दै उनले गठबन्धनलाई ऊर्जा दिनका लागि भरतपुर लगायतमा गठबन्धनका उम्मेदवारहरुलाई जिताउनुपर्ने बताए ।

‘तपाईंहरु गठबन्धनलाई ऊर्जा दिनुहुन्छ कि प्रचण्डलाई टेन्सन दिन चाहनुहुन्छ ?’ प्रचण्डले भने,‘फैसला तपाईंहरुको हातमा छ ।’

विगतमा काँग्रेसका कार्यर्ताहरुले आफूहरुलाई भोट दिन गाह्रो माने भनेरै अर्को गठबन्धनमा गएको सुनाए । उनले भने,‘म जानकारी गराएरै अर्को गठबन्धनमा गएको थिए, धक्का खाएर सिकेको छु ।’

प्रचण्डले अब गठबन्धनबाट दायाँबायाँ नगर्ने प्रतिवद्धता व्यक्त गरे । गठबन्धन टुटेमा देश दुर्घटनामा पर्ने बताए । गठबन्धन टुटेर देश संकटमा परेमा यसका विरोधीहरुले जिम्मेवार लिनुपर्ने बताए ।