काठमाडौं । काठमाडौं जिल्ला अदालतमा जारी क्रिकेटर सन्दीप लामिछानेविरुद्ध बलात्कार मुद्दाको अन्तिम सुनुवाइले आजदेखि पुनः निरन्तरता पाउने भएको छ।

पहिलो दिन पीडितका तर्फबाट  सरकारी र निजी वकिल गरी तीन जनाले बहस गरेका थिए। तीनैजनाले सन्दीप दोषी रहेको दाबी गरेका छन्। साथै पीडित नाबालिग रहेको जिकिर गर्दै उनीहरुले सन्दीपलाई अधिकतम सजाय हुनुपर्ने तर्क गरेका छन्।

पीडितका तर्फबाट बहस पूरा भएपछि अभियुक्त सन्दीपका तर्फबाट कानुन व्यवसायीले बहस गर्ने छन्। मुद्दाको अन्तिम सुनुवाइ सकिएपछि सन्दीपले सजाय वा सफाइ पाउनेछन् । सन्दीप दोषी ठहर भए उनी कम्तीमा १० वर्ष जेलमा बस्नुपर्नेछ। पीडित किशोरीको उमेर १८ वर्ष कम ९नाबालिग० भएको दाबी गर्दै १० देखि १२ वर्षसम्मको कैद सजाय माग गरी मुद्दा हालिएको छ।

मुलुकी अपराध संहिताको दफा २१९ को उपदफा २ अनुसार १८ वर्ष नपुगेकासँग सहमतिमै यौन सम्बन्ध राखे पनि त्यसलाई बलात्कार मानिने र दोषीलाई १० देखि १२ वर्षसम्म जेल सजाय हुने उल्लेख छ। तर यो मुद्दामा किशोरीको उमेर नै एकिन हुन सकेको छैन। सन्दीपका कानून व्यवसायीले किशोरी बालिग भैसकेको दाबी गर्दै विभिन्न कागजात पेश गरेका छन् ।