चितवन समाज अस्ट्रेलियाको अध्यक्षमा पुरुषोत्तम सडौला सर्वसम्मत चयन भएका छन् । सिड्नीको मेरिल्याण्ड स्थित रेस्ट फक्ंसन सेन्टरमा २४ सेप्टेम्बर आइतबार सम्पन्न समाजको छैठौ साधारण सभाले सडौलाको अध्यक्षतामा नयाँ कार्यसमिति सर्वसम्मत चयन गरेको हो ।

नवगठित समितिको सचिवमा प्रतिक खरेल ,कोषाध्यक्षमा सिरिश बर्तौला ,सह कोषाध्यक्षमा रबि पोखरेल तथा पब्लिक रिलेसन अफिसरमा सरोज पण्डित चयन भएका छन् । त्यस्तै कार्यसमिति सदस्यहरुमा हेमराज काफ्ले ,राधिका गौली ,आनन्द पाठक ,सुजन बर्तौला ,सुशील सडौला ,रबिन्द्र कंडेल ,राम डल्लाकोटी ,अमिन मोहम्मद ,सौगात त्रिपाठी र पुस्पा पाठक चयन भएका छन् । नवनिर्वाचित कार्यसमितिका पदाधिकारीको निर्वाचन समितिका संयोजक बुद्धि डल्लाकोटीले घोषणा गर्दै सपथ समेत खुवाएका थिए । कार्यक्रममा अस्ट्रेलियाका लागि नेपाली राजदूत कैलाशराज पोखरेलको प्रमुख आतिथ्यता एवम् एनआरएनए अस्ट्रेलियाका नवनिर्वाचित अध्यक्ष अनिल पोखरेलको विशिष्ट आतिथ्यता रहेको थियो भने विभिन्न सघंसंस्थाका प्रमुख तथा प्रतिनिधिहरुको उपस्थिति रहेको थियो ।

कार्यक्रममा बोल्दै समाजका निवर्तमान अध्यक्ष पूणर्नाथ घिमिरेले आफ्नो कार्यकालमा समाज मार्फत भएका विभिन्न कार्यक्रम सम्पन्न गर्न सहयोग गर्ने सम्पूर्णलाई धन्यवाद व्यक्त गर्दै नवनिर्वाचित कार्यसमितिलाई बधाई व्यक्त गरे । उनले समाजको लक्ष्य बमोजिम नयाँ कार्यसमितिले कार्य गर्ने कुरामा विश्वास व्यक्त गरे । नवनिर्वाचित अध्यक्ष सडौलाले अग्रजहरुका सल्लाह र सुझावलाई ग्रहण गर्दै समाजलाई अझै सशक्त बनाउँदै संस्थालाई चलायमान बनाएर अगाडी बढाउने प्रतिबद्धता व्यक्त गरे । उनले मातृभूमीको दुख र अफ्ठ्यारोमा संस्थाले सदैव फ्रन्टलाईनमा रहेर काम गर्दै आएको भन्दै सबै संघ संस्था र व्यक्तिहरुसंग समन्वय गरेर अगाडी बढ्ने बताए ।