ब्रिजबेन । अष्ट्रेलियाको सर्ट फिल्म फेस्टिभलमा नेपाली युवाले बनाएको सिनेमा समेत छनौँटमा परेको छ । सिड्नीमा बसोबास गर्दै आउनुभएका नेपाली युवा मञ्जिल तण्डुकारले बनाएको गोल नामको लघुफिल्म छनौँटमा परेको हो ।

अपांगता भएकाहरुको विशेष क्षमतामा आधारित रहेर मञ्जिल तण्डुकारले बनाएको फिल्मलाई उपाधिका दिलाउन भोटिङका लागि आह्वान गरिएको छ । सर्ट फिल्म अन्तर्गत ओपन इन्ट्रान्स बिधामा ३२० वटा सर्ट फिल्म प्रतिस्र्धामा छन् । फिल्म फेस्टिभल–२०२३ को उपाधीका लागि अगस्ट १६ देखी २२ सम्म भोटिङ गर्न पाइनेछ । तपाई नेपाली मुलका लेखक तण्डुकारको गोल सर्ट फिल्मलाई बिजेताका रुपमा देख्न चाहानुहुन्छ भने यो लिंक मा गएर भोटिङ गर्न सक्नुहुनेछ । यो फिल्ममा शारिरिक रुपमा सबल भएकाले आफूले पानी पिएर सडकमा फालेको बोतललाई दुबै हात नभएका युवाले कसरी डस्बिनसम्म पुर्याउछन् । यो २ मिनेट ८ सेकेन्डको सर्ट फिल्म मार्फत वातावरण सफा गर्न र समाजमा सकारात्मक काम गर्न शारिरिक दुर्बलता भएकाहरुको योगदानलाई समेत देखाउन खोजिएको छ ।

सन २०२२ मा १९ देशका २८१ सर्ट फिल्म प्रतिस्पर्धी रहेको फोकस अन एबिलिटी सर्ट फिल्म फेस्टिभल–२०२३ अहिलेसम्मकै सबैभन्दा ठूलो हुने आशा गरिएको छ । सर्ट फिल्म मार्फत अपाङ्गता भएका व्यक्तिहरूलाई उनीहरूको कथा सुनाउन र क्षमता प्रदर्शनमा प्रोत्साहन गर्ने उद्देश्यले १ लाख डलर बढी नगद र विभिन्न पुरस्कार समेत दिइने फेस्टिभल आयोजक नोभा इम्प्लोइमेन्टले जानकारि दिएको छ ।

फोकस अन एबिलिटी सर्ट फिल्म फेस्टिभल–२०२३ मा सहभागि हुन ५ मिनेट भन्दा कम समयको सर्ट फिल्म हुनुपर्नेछ । शारिरिक रुपमा फरक क्षमता भएकाहरुको कार्यगत सिप, क्षमता र समाजमा दिदैआएको योगदानलाई फिल्मको बिषय बनाउनुपर्नेछ । अगस्ट २२ सम्मको एक सातामा गरिएको भोटका आधारमा उत्कृष्ठ सर्ट फिल्मको छनौटमार्फत उदाधी वितरण गरिने नोभा इम्प्लोइमेन्टले जानकारि दिएको छ । जुलाई २१ सम्म मनोनयनमा परेका ३१० सर्ट फिल्म मध्येबाट कुन बन्लान त बिजेता ? अष्ट्रेलियामा विशेष चासोका साथ प्रतिक्षा भैरहेको छ ।