नेकपा माओवादी केन्द्रको महाधिवेशनमा पार्टी नेताका छोराछोरीलाई सरकारी स्कुलमा पढाउन अनिवार्य गर्नुपर्ने विषय प्रतिवेदनमा राख्न माग गरिएको छ ।

अध्यक्ष प्रचण्डको राजनीतिक प्रतिवेदनमा गरिएको सामूहिक छलफलमा केन्द्रीय नेताका छोराछोरीलाई अनिवार्य रुपमा सरकारी स्कुलमा पढाउनुपर्ने व्यवस्था गर्न माग उठेको हो ।

प्रतिवेदनमाथीको छलफलको निश्कर्ष सुनाउने क्रममा गण्डकी प्रदेशबाट एकजना प्रतिनिधिले आफ्नो प्रदेशको छलफलमा पार्टी केन्द्रीय सदस्यका छोराछोरीलाई सरकारी विद्यालयमा पढाउन अनिवार्य गर्ने विषय प्रतिवेदनमा राख्नुपर्ने बताइन् ।

‘पार्टी केन्द्रीय सदस्यका छोराछोरीलाई सरकारी विद्यालयमा पढाउन अनिवार्य गर्नुपर्छ’, उनले भनिन् ।

पार्टीले वकालत गर्दै आएको वैज्ञानिक र व्यवहारिक शिक्षाका लागि वैज्ञानिक शिक्षा नीतिबारे पनि प्रतिवेदनमा समेट्न गण्डकी प्रदेशको तर्फबाट माग रहेको छ ।