काठमाडौं । ओखर स्वादमा मात्र होइन पौष्टिक तत्वले भरिपूर्ण ड्राइ फुट्स हो। ओखरमा भरपुर मात्रामा ओमेगा ३ फ्याटी एसिड हुन्छ। ओखरको सेवन गर्दा शरीरलाई आवश्यक पर्ने स्वस्थ बोसो प्राप्त गर्न सकिन्छ। अल्फा लिनोलेनिक एसिड र एएलए ओमगा थ्रि फ्याट्टी एसिडको एक प्रकार हो, जसले एक प्रकारको सुजनलाई कम गर्न मद्दत गर्दछ।

प्रोटिनको राम्रो स्रोत मानिने ओखरमा भिटामिन ए, बि-६, बि-१२, सि, डि, इ र के पाइन्छ । यसका साथै क्याल्सियम, मिनरल्स, म्यानेसियम, आइरन, फस्फोरस, जिंक, कपर प्रचुर मात्रामा पाइन्छ । यो एन्टिअक्सिडेन्टको राम्रो स्रोत हो। ओखरको नियमित सेवनले मस्तिष्कलाई स्वस्थ राख्न मद्दत गर्दछ।

बिहान र मध्यान्ह दुई वटा ओखर चपाएर खानुपर्छ, जसले कोलेस्ट्रोल नियन्त्रण गर्छ । हृदय रोग लाग्नबाट बचाउँछ । दुई वटा ओखर, एउटा बदाम बिहान/बेलुकी मनतातो दुधसँग सेवन गर्दा कमजोरी हट्छ । महिनावरीको समस्यामा ओखर र मह मिसाएर मनतातो दुधसँग पिउनुपर्छ, ठीक हुन्छ ।

मनतातो पानीसँग ओखर सेवन गर्दा जोर्नीको दुखाई समेत ठीक हुन्छ । ओखरलाई हल्का भुटेर महसँग सेवन गर्नुपर्छ, खोकी ठिक हुन्छ । ओखरले मुटु, मस्तिष्कलाई स्वस्थ राख्ने मात्र नभई क्यान्सर जस्तो प्राणघातक रोगबाट पनि बचाउँछ। ओखरको सेवनले स्तन क्यान्सरको जोखिम कम गर्ने विभिन्न अध्ययनले देखाएको छ। ओखरको नियमित सेवनले पेट र मुटुलाई स्वस्थ राख्न मद्दत गर्दछ। ओखरले रक्तचाप घटाउछ ।