ब्रिजबेन । पछिल्लो समय उदाएका नेपाली र्यापर जिबबको अष्ट्रेलिया टुर हुने भएको छ । नेपाली नयाँ वर्षको पुर्व सन्ध्याको अवसर पारेर १३ अप्रिलमा सिड्नी र अप्रिल १९ मा ब्रिजवेनमा कन्सर्ट आयोजना गर्न लागेको हो ।
सिड्नीमा रकडेल ब्वाईज र ब्रिजवेनमा द नेप्स ब्रिजवेनले कन्सर्टको आयोजना गर्न लागेको हो ।
ब्रिजबेनको द मेटमा हुने कन्सर्टमा ८ सय भन्दा बढी सहभागी हुने अपेक्षा आयोजकको छ । यी दुबै कन्सर्टमा र र्यापर जिबबसंगै अर्का र्यापर हाकिम पनि सहभागि हुनेछन् । ‘मिलेन लेबल तेरो बाउ बोला’ भन्ने बोलको र्याप गीतसँगै पछिल्लो समय चर्चामा आएका जिबबको यो पहिलो टुर हो । ब्रिजवेनका आयोजक अरुण तिवारीले भर्खर जम्दै गरेका नयाँ कलाकार, छोटो समयमै चिनिएकाहरुलाई प्रोत्साहन गर्न र नेपाली र्यापलाई जोगाउन अष्ट्रेलियामा कन्सर्ट आयोजना गरिएको जानकारि दिनुभयो ।
को हुन त चर्चा कमाउँदै गरेका र्यापर जिबब ?
फ्रि स्टाईल र्यापर हुन जिबब । उनको घरपरिवारमा परिचित नाम भने सुदिप भण्डारी हो । उनै जिबबको “मिलेन लेबल तेरो बाउ बोला ए” गित टिकटक लगायत सामाजिक संजालमा भाइरल भएसँगै देश विदेशमा फ्यानहरु बढिरहेका छन् ।
र्याप गर्ने शैली,प्रतिद्वन्द्वीलाई लाचार पार्ने हाउभाउ लगायतले नेपाली र्यापलाई निकै अगाडि लैजाने संकेत देखिएपनि जिबब कुलुतका कारण माथि उठ्न नसकेको चर्चा चलिरहेको छ ।
साथीको संगतबाट लगुऔषधको कुलतमा फसेका जिबब आफू हिपहपमा नै रमाउने र त्यसको लागि सबै नराम्रो संगत त्याग्ने प्रयासमा रहेको बताइरहेका छन् । एएनटिएफ र्याप ब्याटलको सेमिफाइनलसम्म पुग्दा जीबबले राम्रै फ्यान फलोइङ बनाएपनि रिह्याबबाट भागेपछि फाइनल गुमाएका थिए । नेपालको गोरखाका स्थायी बासिन्दा जीबब अहिले ललितपुरमा बसोबास गरिरहेका छन् ।
@nepaltube
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
जेठ २४, २०८२ शुक्रबार
92 Views
जेठ २४, २०८२ शुक्रबार
82 Views
जेठ १९, २०८२ आइतबार
127 Views
