गैरआवासीय नेपाली संघ (एनआरएनएं)ले आफ्नै खर्चमा जहाज पठाएर अफगानिस्तानको काबुलबाट नेपालीहरुको उद्दार गर्ने तयारी गरेको छ । संघका अध्यक्ष कुमार पन्तले सोमबारको सचिवालय बैठकमा काबुलबाट नेपाली फर्काउने विषयमा छलफल भएको बताए । अफगानिस्तानमा रहेका नेपालीको विषयमा संघ गम्भीर एवम चिन्तित रहेको पन्तले बताए ।

उक्त बैठकमा संघले आफ्नै खर्चमा जहाज कावुल पठाउने बिषयमा छलफल समेत भएको थियो । यसबारेमा संघको मंगलबार पुनः बैठक बसि निर्णय गरिने संघले जनाएको छ । बैठकमा संघका अध्यक्ष कुमार पन्त, उपाध्यक्ष सोनाम लामा, बद्री केसी रवीना थापा,एशिया प्याशिफिक सहसंयोजक खगेन्द्र न्यौपाने,मध्यपुर्व सहसंयोजक मनोज गोर्खाली,एनआरएनए स्पोर्टस एकेडेमीका सदस्य सचिब धर्मराज गिरीलगाएतको सहभागीता रहेको थियो ।