प्रधानमन्त्री शेरबहादुर देउवालाई विश्वासको मत दिएका नेकपा एमालेको माधव नेपाल पक्षका सांसदले सरकारमा सहभागी हुन दबाब दिएका छन् ।

सहाना प्रधान स्मृति प्रतिष्ठानको कार्यालय शंखमूलमा बुधवार बसिरहेको बैठकमा सांसदहरूले सरकारमा सहभागी हुन दबाब दिएको एक सांसदले जानकारी दिए । बैठकमा १९ सांसद सहभागी छन् ।

सांसद एवं केन्द्रीय सदस्य मेटमणि चौधरीले आफैंले बनाएको सरकारलाई असफल हुन नदिन सरकारमा जानुपर्ने धारणा आएको जानकारी दिए । चौधरीले संसदीय दलमा बहुमत जुटाउने दाबी पनि गरे ।

चौधरीलगायत देउवालाई विश्वासको मत दिएका सांसदहरूले सरकारमा सहभागी हुने निर्णय गर्न नेता नेपाललाई दबाब दिएका छन् । नेता नेपालले भने सांसदहरूको कुरा सुनिरहेका छन् । आजको बैठकमा नेपाल पक्षका स्थायी कमिटी सदस्यहरू भने उपस्थित छैनन् ।