फिफा विश्वकप २०२२ को कतारको दक्षिण अमेरिकी छनोटको तेस्रो राउन्डको खेलमा पाँच पटकको विश्वविजेता ब्राजिलले भेनेजुएलासँग प्रतिस्पधा गर्दैछ । खेल साओपाउलोमा शनिबार बिहान ६ः१५ बजे हुनेछ ।

घरेलु मैदानमा ब्राजिल भेनेजुएलाविरुद्ध मैदान उत्रँदा लगातार तेस्रो जितको खोजीमा हुनेछ । ब्राजिलले छनोटको पहिलो खेलमा बोलिभियालाई ५–० ले तथा दोस्रो खेलमा पेरुलाई ४–२ ले हराएको थियो ।

भेनेजुएलाविरुद्ध ब्राजिल स्टार फरवार्ड नेयमारविनै उत्रने छ । पेरुविरुद्धको खेलमा नेयमारले ह्याट्रिक पुरा गरेका थिए । नेयमार टोलीमा रहेपनि ग्रोइन इन्ज्युरीका चोटका कारण खेल्ने छैन । उनले मंगलबार उरुग्वेविरुद्धको खेल खेल्ने सम्भावना छ ।

उनको स्थानमा रोड्रिगोलाई टोलीमा समेटिएको छ । चोटका कारण फिलिपे कौटिन्हो र कोरोना संक्रमणका क्यासमिरो पनि टोलीमा नरहँदा ब्राजिललाई समस्या हुन सक्नेछ ।
नेयमार नभएपनि टोलीमा गाब्रियल जेससले पूनरागमन गरेका छन् ।

भिनिसियस जुनियर, रिचार्लीसन, रोबर्टाे फिर्मिन्हो, अर्थर, एलान, रेनान लोडी, डिएगो कार्लाेस, माकिन्हस र थियागो सिल्भा टोलीमा हुनेछ । चोटबाटै गोलरक्षक एलिसन बेकरले पनि टोलीमा पूनरागमन गरेका छन् ।

यता, भेनेजुएला पनि ब्राजिलमा स्टार खेलाडी नभएको फाइदा उठाउँदै छनोटमा पहिलो जितको लक्ष्यमा मैदान उत्रनेछ । भेनेजुएला कोलम्वियासँग ३–० ले तथा पाराग्वेसँग १–० ले पराजित भएको थियो । टोलीसँग डार्विन माचिस, रोमुलो ओटेरो, सर्जियो कोर्डोभा र यान्जेल हेरेरा लगायतका खेलाडीको साथ रहेको छ ।

भेनेजुएलालाई हराए अथवा बराबरीमा रोकेपनि ब्राजिल छनोटको शीर्षस्थानमा उक्लनेछ । ब्राजिलको २ खेलबाट ६ अंक छ । ३ खेल खेलेको अर्जेन्टिनाको ७ अंक छ । भेनेजुएलाको दुई खेलबाट कुनै अंक छैन । यस्तै छनोटकै अर्काे खेलमा कोलम्विया र उरुग्वे तथा चिली र पेरुबीच प्रतिस्पर्धा हुँदैछ ।