काठमाडौं ।
हरेक चाडपर्वको आ–आफ्नै विशेषताहरु हुन्छन् । केहि समय अघि मात्र विदा गरेको दशैँलाई मान्यजनहरुको हातबाट टिका लगाउने, आशिष थाप्ने, विशेष गरि ठूला र सानाबिचको भौतिक, आत्मिय दुरीलाई हटाउने पर्वको रुपमा लिईन्छ भने दोस्रो ठूलो चाड तिहारलाई दिदीभाइ तथा दाजुबहिनी बिच प्रेम र आत्मीयता बढाउने पर्वका रूपमा चिनिने गरिन्छ ।

भाइटीकाका बेला दिदीबहिनीले दाजुभाइलाई दिने आर्शिवाद अझ महत्वपूर्ण मानिन्छ । त्यसैले एकअर्काबाट जति नै टाढा भएपनि भाइटीकाका बेला भने दिदीबहिनी दाजुभाईहरु जमघट हुने कोसिस गर्दछन् । तर एकातिर तिहारमा टीका लगाईदिन ज जसको दाजुभाइ दिदीबहिनी छन् उनीहरुको लागि यहि तिहार खुशीको पर्व बन्ने गर्दछ भने अर्कोतिर जसको दाजुभाई दिदीबहिनी छैनन् उनीहरुको लागि भने यहि तिहार दुखी हुनुको कारण बनिदिन्छ । यहि दुख भुलाउन मानिसहरु भाइटीकाको दिन रानीपोखरी जाने गर्दछन् भने कतिपय मानिसहरु आफ्ना नजिकको दाजुभाई दिदीबहिनीको हातबाट टीका लगाउने गर्दछन् । कतिपय आफ्नो मन मिल्ने अरु नै मानिसलाई दाजुभाई दिदीबहिनीको रुपमा मानेर टीका लगाउने गर्दछन् । नेपाली कला क्षेत्रमा पनि त्यस्ता धेरै कलाकारहरु छन् जो भाइटीकामा टिका लगाईदिने दाजुभाइ दिदीबहिनीबिहिन छन् । आज हामी तिनै कलाकारहरुको भिडियो रिपोर्ट प्रस्तुत गर्दैछौं ।