अस्ट्रेलियाको प्रमुख दूरसञ्चार सेवा प्रदायक टेलस्ट्रालाई देशव्यापी सेवा अवरुद्ध भएको घटनापछि ३० मिलियन डलरभन्दा बढी जरिवाना हुनसक्ने भएको छ।

एक साताअघि भएको सेवा अवरोधका कारण आपतकालीन कल सेवा, सार्वजनिक यातायात तथा डिजिटल भुक्तानी प्रणाली प्रभावित हुँदा हजारौं सर्वसाधारणले सास्ती व्यहोर्नुपरेको थियो।

घटनापछि अस्ट्रेलियाको सिनेटको छानबिन समितिले टेलस्ट्राका प्रतिनिधिलाई सुनुवाइका लागि बोलाएको छ। प्रारम्भिक अनुसन्धानमा करिब ३० हजार डलर मूल्य पर्ने एउटा सर्भर समयमै मर्मत नगर्दा प्रणालीमा समस्या आएको खुलेको छ।

संघीय शिक्षामन्त्री जेसन क्लियरले अनुसन्धानबाट यस्तो तथ्य बाहिर आएको जानकारी दिएका छन्। घटनाबारे थप छानबिन जारी रहेकाले नियामक निकायले कम्पनीमाथि ३० मिलियन डलरभन्दा बढी जरिवाना लगाउन सक्ने सम्भावना रहेको जनाइएको छ।