डार्विनमा आयोजित 2026 NT Defence Industry Excellence Awards ले उत्तरी क्षेत्रको रक्षा उद्योगमा योगदान पुर्‍याउने व्यक्ति तथा व्यवसायहरूलाई सम्मान गरेको छ। Australian Industry & Defence Network (AIDN) NT द्वारा आयोजित उक्त कार्यक्रम Darwin Convention Centre मा सम्पन्न भएको हो।

यस अवार्ड कार्यक्रममा रक्षा उद्योगसँग सम्बन्धित नवप्रवर्तन, नेतृत्व, युवा प्रतिभा तथा स्थानीय व्यवसायहरूको योगदानलाई विशेष रूपमा सम्मान गरिएको आयोजकले जनाएको छ। कार्यक्रममा Northern Territory सरकार, Defence NT, उद्योग प्रतिनिधि तथा विभिन्न रक्षा साझेदारहरूको सहभागिता रहेको थियो।

 कार्यक्रमबारे बोल्दै Chief Minister Lia Finocchiaro ले Northern Territory लाई अष्ट्रेलियाको भविष्यको रक्षा रणनीतिमा महत्वपूर्ण केन्द्रका रूपमा अघि बढाइने बताइन्। उनले स्थानीय उद्योग, नवप्रवर्तन र रोजगार सिर्जनामा यस्ता कार्यक्रमले महत्वपूर्ण भूमिका खेल्ने उल्लेख गरिन्।

यस वर्षको अवार्डमा AIDN NT Young Achiever Award, Defence Industry Contribution Excellence Award लगायत Chief Minister’s Awards for Excellence in Defence Industry जस्ता विभिन्न विधाहरू समावेश गरिएको थियो।

Pic source: LIa’s Facebook / Social media