ओलीको आरोप, सरकारमै बसेकाले जेनजीको मागपत्र लेखेर नाटक गरिरहेका छन्
नेता केपी शर्मा ओलीले सरकारका मान्छेले नै जेनजीको नाममा मागपत्र लेखिदिएर नाटक गरिरहेको आरोप लगाएका छन्। उनले जेनजीहरूलाई संगठित गरेर हातमा मागपत्र थमाउनेदेखि मिडियामा तमासा देखाउनेसम्म सबै सरकारको सेटअप भएको दाबी गरे।
ओलीका अनुसार सरकारले सुशासन भनेको आफू र रमेश लेखकलाई गिरफ्तारीमा पुर्‍याउने खेल मात्रै हो। प्रतिनिधि सभा अविलम्ब पुनःस्थापना हुनुपर्ने तर्क गर्दै उनले अहिलेको सरकार ड्रामा गर्ने, चुनावतिर नलाग्ने र सुरक्षा, कानून, जिम्मेवारीबाट टाढा परेको टिप्पणी गरे।
पूर्व आईजीपी चन्द्रकुबेर खापुङको पासपोर्ट रोक्का प्रकरणलाई पनि ओलीले ‘सरकारको धम्क्याउने शैली’ भने। उनले सरकारको कामभन्दा राजनीतिक तमासा ठूलो भएको आरोप लगाउँदै आफू सत्यका लागि लडिरहने बताए।