डार्विन (अष्ट्रेलिया) – डार्विनमा बसोबास गर्दै आएका कलाकार तथा गीतकार विशाल केसीको शब्द र अभिनयमा तयार गरिएको गीत ‘रहरसँगै बाध्यता’ सार्वजनिक भएको छ। लोकप्रिय गायक प्रमोद खरेलको स्वर रहेको उक्त गीतमा रमेश खड्काले संगीत भरेका छन्।

जीवनका रहर र बाध्यताको दोधारमा अड्किएको मानवीय मनोविज्ञानलाई गीतले मन छुने शैलीमा चित्रण गरेको छ। भिडियोमा विशाल केसी स्वयंले पनि कलाकारका रूपमा अभिनय गरेका छन्। साथै, कृष्ण भक्त महर्जन, परी शाक्य, शान्ता प्रजापति, क्रिस्टिना तम्राकार, सुनिल श्रेष्ठ, मनोज शाही, सुविन महर्जन र सुशील करञ्जितको अभिनय समावेश छ।

भिडियोको निर्देशन राजेन्द्र डंगोलले गरेका हुन् भने निर्माण सविना दाहाल केसीले गरेकी छिन्। गीतको भिडियो हाइलाइट्स नेपाल युट्युब च्यानलमार्फत सार्वजनिक गरिएको हो।