डार्विन – चावसाई इभेन्ट्स र गोर्खाली FC को आयोजनामा तथा ग्रेस इन्टरनेशनलको प्रस्तुतिमा आउँदो सेप्टेम्बर २८, आइतबार ‘ग्रेस दशैं कप २०२५’ 7 A-SIDE फुटबल प्रतियोगिता हुने भएको छ।

मालाक ओभलमा बिहान ११ बजेबाट सुरु हुने प्रतियोगितामा पहिलो हुने टिमले २,००० डलर र दोस्रो हुने टिमले १,००० डलर नगद पुरस्कार पाउनेछन्।

प्रतियोगिताको एन्ट्री फी ३०० डलर तोकिएको छ। यस प्रतियोगितामा स्थानीय समुदायका टिमहरूले सहभागिता जनाउने र दशैंको अवसरमा खेलकुदमार्फत एकता र उत्सवको वातावरण सिर्जना गर्ने उद्देश्य रहेको आयोजकले जनाएका छन्।

प्रतियोगितामा विभिन्न संघ–संस्थाको सहयोग रहनेछ। Capkon, Skillaroo, NRNA NT, Lands & Lease Realty, Arafura Automotive, Tax Store, Little Sister, Yogis Way र Possible Education Consultancy International लगायत संस्थाले सहयोग गरेका छन् भने Purakhabar प्रतियोगिताको मिडिया पार्टनर रहनेछ।

आयोजकका अनुसार, प्रतियोगिता मनोरञ्जनात्मक मात्र नभई खेलकुदमैत्री समाज निर्माणमा पनि टेवा पुर्‍याउनेछ।