डार्विन, अष्ट्रेलिया | २ अगस्ट २०२५

डार्विनमा प्रत्येक वर्ष आयोजना हुने जेनीथ मेमोरियल कप फुटबल प्रतियोगिताको ११औं संस्करण भब्य रुपमा सुरु भएको छ। कार्यक्रमको मुख्य उद्देश्य स्व. जेनीथ मल्ललाई सम्झना गर्नु हो, जो Darwin Hearts FC (DHFC) का संस्थापक सदस्य तथा खेलाडी थिए र सन् २०१४ मा बाउल क्यान्सरसँग लड्दै जीवन गुमाएका थिए।

Darwin Hearts FC को आयोजनामा, नर्दन टेरिटोरी सरकार, नेपालिज एसोसिएसन अफ नर्दन टेरिटोरी (NANT) र NRNA NT को सहयोगमा यो प्रतियोगिता नेपाली समुदायमा क्यान्सर तथा मानसिक स्वास्थ्य सम्बन्धी चेतना फैलाउने उद्देश्यले हरेक वर्ष आयोजना गरिँदै आएको छ।

🗣️ “समुदायमा क्यान्सर र मानसिक स्वास्थ्यका बारेमा खुलेर कुरा गर्नु, सहयोग माग्नु कमजोरी होइन, शक्ति हो,”
भने नेपाली समुदायमा मानसिक स्वास्थ्यका क्षेत्रमा काम गरिरहनु भएका दिली राज उप्रेती।

खेलको पहिलो दिन – उत्साह, स्पर्धा र आत्मीयता

प्रतियोगिताको पहिलो दिन राउन्ड रोबिन चरणको खेलहरू अत्यन्त रोमाञ्चक बने। खेलाडीहरूले जोश, अनुशासन र खेल भावना प्रदर्शन गरे।

🏆 सेमिफाइनल खेल तालिका (२ अगस्ट २०२५, शनिबार)

📍 स्थान: मलाक ओभल, डार्विन

सेमिफाइनल १: दिउँसो ३:०० बजे – Northern Nepalese vs Rii-Dum

सेमिफाइनल २: दिउँसो ४:१५ बजे – Chill-xxx vs Gurkhali

दुवै खेलका विजेताबीच Grand Final मा प्रतिस्पर्धा हुनेछ, जहाँ विजेतालाई ट्रफी र पदक प्रदान गरिनेछ।

🎙️ DHFC अध्यक्ष फिरोज रानाको भनाइ – “प्रतियोगिता उच्च स्तरमा पुगेको छ”

Darwin Hearts FC का अध्यक्ष फिरोज रानाले यस वर्षको प्रतियोगितालाई अहिलेसम्मकै सर्वाधिक प्रतिस्पर्धात्मक भएको बताएका छन्।

> 🗣️ “नेपाली युवाहरूमा राज्यस्तरको फुटबल खेल्ने सम्भावना देखिन्छ। यदि उनीहरूले प्रशिक्षण र म्याच अनुशासनमा निरन्तरता दिए भने, हामी उनीहरूलाई पूर्ण साथ दिन तयार छौं,”
— फिरोज राना, अध्यक्ष, DHFC

DHFC अष्ट्रेलियाको राज्य प्रिमियर लिग (पुरुष र महिला दुवै) मा प्रतिस्पर्धा गर्ने एकमात्र नेपाली क्लब हो, जसले समुदायमा गौरव र प्रेरणा फैलाएको छ।

अध्यक्ष रानाले सबै खेलाडी, स्वयंसेवक, दर्शक र अभिभावकहरूलाई धन्यवाद दिँदै जेनीथ मल्लको स्मृतिमा आयोजना गरिएको यस प्रतियोगितालाई सफल बनाइदिएकोमा आभार व्यक्त गरे।

🎉 समुदायका लागि विशेष कार्यक्रम – ३ अगस्ट २०२५ (आइतबार)

📍 स्थान: मलाक ओभल
🕒 समय: दिउँसो ३:०० बजेबाट

MiniRoos र महिला प्रदर्शन खेलहरू

“Fathers for Fun” (Fatheroos) मैत्रीपूर्ण खेल

अभिभावकहरूका लागि रमाइलो गतिविधिहरू

🎊 सबैलाई उपस्थितिको लागि हार्दिक निमन्त्रणा!
समुदायमा खेल, स्वास्थ्य र आत्मीयताको समिश्रण फैलाउने उद्देश्यले सबै नेपाली दाजुभाइ तथा दिदीबहिनीलाई उपस्थित भइ समर्थन र सहभागिता जनाउन अनुरोध छ।