जम्मु-कस्मिरमा मंगलबार २०१९ को पुलवामा आक्रमणपछि सबैभन्दा ठूलो आतंकवादी हमला भएको छ।

आतंककारीहरूले पर्यटकहरूमाथि अन्धाधुन्द गोली चलाउँदा २६ जनाको मृत्यु भएको छ।

दैनिक भास्करका अनुसार मारिएकामा एक इटालियन, एक इजरायली पर्यटक र दुई स्थानीय नागरिक छन्।

बाँकी पर्यटकहरू गुजरात, महाराष्ट्र, कर्नाटक, तमिलनाडु र ओडिशाका हुन्।

हमला मंगलबार दिउँसो २:४५ बजे पहलगामको बैसरन उपत्यकामा भएको हो।

मिडिया रिपोर्टअनुसार आतंककारीहरूले एक पर्यटकलाई नाम सोधे र टाउकामा गोली हाने। यसपछि उनीहरू अन्य पर्यटकहरूमाथि गोली चलाउँदै भागे।

यसैबीच आक्रमणको जिम्मेवारी लश्कर-ए-तैयबाले लिएको छ।

घटनामा २० जनाभन्दा बढी घाइते भएका छन्।

घटनापछि सुरक्षा बलले पहलगामको आक्रमण भएको क्षेत्रलाई घेराबन्दी गरेको छ।

हेलिकप्टरबाट पनि निगरानी भइरहेको छ।