अष्ट्रेलियाको ब्रिजवेन शहरमा नेपाली लगानीको रियल स्टेट कम्पनी काठमाडौ प्रोपर्टीको शाखा खुलेको छ । प्रोपर्टीको मुख्य कार्यलय मेलवर्नमा छ । यसै हप्ता एक कार्यक्रमका बिच ब्रिजवेनको लटविचमा काठमाडौं प्रोपर्टीको कार्यलय उद्घाटन गरिएको हो ।

ब्रिजवेनको यो प्रोपर्टीमा एनआरएनए अष्ट्रेलियाका महासचिव समेत रहेका सन्तोष कुँवर, पुर्व उपाध्यक्ष उमेश खड्का र पुर्व संचारकर्मी रेशमराज सिग्देलको सामुहिक लगानी छ । प्रोपर्टीमा एक प्रिन्सिपल एजेण्ट, १ रेन्टल म्यानजर र ५ जना रियल स्टेट एजेन्ट रहेको निर्देशक मध्येका एक कुँवरले जानकारि दिनुभयो ।

ब्रिजवेनमा उकासिदै गरेको घरजग्गाको क्षेत्रमा नेपाली ग्राहकलाई सहयोग पुग्ने गरि प्रोपर्टीले काम गर्ने कुँवरले बताउनु भयो । कुँवरका अनुसार प्रोपर्टीले घर किन्ने आफ्ना ग्राहकलाई १० हजार डलरसम्मको सुविधा दिने छ । घर र युनिटको भाडा समेत व्यवस्थापन गर्ने भएकाले भर्खरै अष्ट्रेलिया आएका विद्यार्थी र मानिसलाई प्रोपर्टीले सहज गरेर साथ दिने कुँवरले बताउनुभयो ।