अष्ट्रेलिया, डार्बिन स्थित जिङली पार्कमा २५ /०५/२०२४  बिहानैदेखि नेपाली आमाबुवाहरुको चहल पहल बड्दै थियाे। कोही झाेलामा पापड बाेकेर आउदै थिए त कोही चिया र तातोपानी हालेकाे थर्मस ल्याउदै थिए। कसैले पाउरोटी बटर जाम त कसैले उसिनेकाे अण्डा ल्याएर तेहि टेबुलमा राख्दै थिए।

एकैछिनमा अभिभावक चिरन बरालले त्यो जमघट हुनुकाे उद्धेश्य माथि प्रकाश् पारे पछि थाह भयो कि त्यहाँ एकजना अभिभावक मुक्तिनाथ अधिकारी र वहाँकि धर्मपत्नी कृष्णरुपा अधिकारी भाेली नेपाल फर्किदै हुनुहुँदोरहेछ।वहाँहरुकै सुखद यात्राका लागि शुभकामना दिन र सानो विदाई कार्यक्रम राखिएको रहेछ। लगभग आधा घण्टा जति अौपचारिक कार्यक्रम गरि सम्पन्न भएको याे बिदाई कार्यक्रमकाे अध्यक्षता नन्द प्रसाद ढकालले गर्नु भएकाे थियाे भने प्रमुख अतिथि अभिभावकहरु लाई डार्बिन-क्याथ्रिन टुर गराउने याेजनाकार तथा संयोजक जीवन खड्का र बिशिस्ट अतिथि धर्मानन्द गाैतम हुनुहुन्थ्यो । वहाँहरु तिनैजनावाट पुष्पगुच्छा दिई अविर, खादा लगाई नेपाल जानुहुने दुबैजनालाई विदाइ गर्दै शुभयात्राका मन्तब्य ब्यक्त गर्नु भएकाे थियाे भने सबैले याे भेटघाट मायाँप्रेमलाइ नेपाल पुगेपछि पनि निरन्तरता दिनुपर्ने कुरालाई जोड दिनु भएको थियो। यसै क्रममा कार्यक्रम सन्चालक चिरन बरालले “यात्रा शुभरहोस बिना कठिनको पुगेसी सम्झिनु है ” भन्ने कविता मार्फत शुभभाव व्यक्त गर्नु भएको थियो भने यहाँ बस्दा र अहिले साथीहरूवाट छुट्टिनु पर्दाको अनुभव मुक्तिनाथजीले सुनाउदा सबै भावविह्वल भएका थिए।

महिला अभिभावकहरुको समेत उल्लेखनीय उपस्थिति रहेकाे उक्त जमघटमा महिला अभिभावकको तर्फबाट जानुका भण्डारीले विदाई सम्बोधन गर्नु भएको थियो भने केहीबेरकाे नाचगान र चियापान पछि “यो नेपाली शिर उचाली सन्सारमा लम्किन्छ ” भन्ने गितमा नाच्दै कार्यक्रम सम्पन्न भएको थियो।