सिन्धुलीको छायांकन सकिएसँगै निर्माण टिमले सौगात र बेनिशाको ‘क्यारेक्टर लुक्स’ तस्वीर पनि सार्वजनिक गरेको छ । तस्वीरमा दुवैलाई गाउँले पोसाकमा देख्न सकिन्छ । एक तस्वीरमा सौगात बेहुलाको रुपमा देखिएका छन् भने अर्कोमा बेनिशासँग रोमान्टिक भावमा चित्रित छन् । एक तस्वीरमा सौगातले बैसाखी टेकेको पनि देखिन्छ । फिल्ममा उनी जनयुद्धको घाइतेको भूमिकामा छन् ।

माओवादी जनयुद्धको पृष्ठभूमिमा आधारित भएर बनेको फिल्ममा लोकेन्द्र लेखक, भुगोल कार्की, हिउँवाला गौतम, पवन भट्टराई, दिनेश रेग्मी, समिप निरौला, जानुका विश्वकर्मा, ज्ञानु सेञ्चुरी, काजल भुजेल र बालकलाकार करण नेपाली, आराध्या राज्यलक्ष्मी डिसीको पनि अभिनय छ । तुलसीदेवी फिल्मको प्रस्तुति रहेको फिल्मलाई आगामी तीजमा प्रदर्शन गर्ने योजनामा निर्माण टिम छ ।

फिल्मको गीतमा बाबुल गिरीको संगीत रहेको छ भने दिव्य सुवेदीको छायांकन छ । भुगोल कुमार कार्की निर्माता रहेको फिल्मको कार्यकारी निर्मातामा रामचन्द्र उपाध्यय, अप्सरा नेपाली, गंगाराम श्रेष्ठ, अजय कुमार बिक र कुमार केसी छन् । निर्देशक सानेले यसअघि ‘सिल्ली फो’, ‘डोली’, ‘वीरांगना’ लगायतका फिल्म निर्देशन गरिसकेका छन् । ‘सिटामोल’ उत्कृष्ट बनेको उनको दाबी छ ।