हामीहरुले शरीर स्वस्थ राख्नको लागि विभिन्न प्रकारका खानेकुराहरु खाने गर्दछौं । जसले हाम्रो शरीरमा आवश्यक तत्वहरुको माग पुरा गर्दछन् । त्यसमध्ये प्रोटिनपनि एक हो । जसले हाम्रो शरीरलाई स्वस्थ राख्नुको साथै बलियो बनाउन मद्दत गर्दछ । जसको प्रयोगले मानिसहरुको स्वास्थ्यमा सहयोग गर्दछ । प्रोटिन भएका खानेकुरामध्ये केहि निम्न रहेका छन् ।

१. पनिर :

पनिरमा प्रोटिन सबैभन्दा बढी पाइन्छ । एक सय ग्राम पनिरमा १८ ग्राम प्रोटिन र २० ग्राम फ्याट पाइन्छ । यसको प्रयोग प्रायजसो जीम जाने वा कसरत गर्ने मानिसहरुले प्रयोग गर्ने गर्दछन् । पनिरमा प्रशस्त मात्रामा प्रोटिन र फ्याट पाइने भएकोले यसलाई तौल बढाउनको लागिपनि प्रयोग गरिन्छ । दुधबाट बनेको पनिरमा फ्याट पाइनेभएकोले जीम जाने मानिसहरुले लो फ्याट दुधको प्रयोग गर्न सकिन्छ । यसमा प्रोटिन राम्रो मात्रामा पाइन्छ भने फ्याट हुदैँन ।

२. अण्डा :

उमालेको अण्डामा प्रशस्त मात्रामा प्रोटिन पाइन्छ । एउटा अण्डामा चार ग्राम प्रोटिन पाइन्छ । अण्डाको सेतो भागमा प्रोटिन बाहेक कुनैपनि गुणहरु पाइदैन । अण्डाको पहेँलो भागमा फ्याट पाइने भएकोले धेरैजसो मानिसहरुले सेतो भाग प्रयोग गर्ने गर्दछन् ।

३. गेडागुडी : चना, राजमा, केराउ र भटमासमा प्रशस्त मात्रामा प्रोटिन पाइन्छ । जसले हाम्रो शरीरमा आवश्यक प्रोटिनको माग पुरा गर्दछन् । एक सय ग्राम गेडागुडीमा १५ ग्राम प्रोटिन र ४० ग्राम कार्बोहाइट्रेड पाइन्छ ।

४. मासु : मासुमा राम्रो मात्रामा प्रोटिन पाइन्छ । छातिको भागको मासु प्रोटिनको लागि सबैभन्दा राम्रो मानिन्छ । एक सय ग्राम मासुमा २५ ग्राम प्रोटिन पाइन्छ । यसको प्रयोगले शरीरमा प्रोटिनको मात्रा पुरा गर्नुको साथै तौल घटाउनमा पनि मद्दत गर्दछ ।

५. दाल :

दालमा पनि प्रोटिन राम्रो मात्रामा पाइने हुनाले यसको प्रयोग गरिन्छ । एउटै दालमा मात्र प्रोटिन कम पाइनेहुनाले यसलाई मिसाएर प्रयोग गर्नुपर्दछ । एकसय ग्राम दालमा १८ ग्राम प्रोटिन र ४० ग्राम कार्बोहाइट्रेड पाइन्छ ।

६. माछा :

माछामा राम्रो मात्रामा प्रोटिन पाइनुको साथै यसमा क्याल्सियम र फस्फोरस पनि पाइन्छ । जसले हाम्रो शरीरको विभिन्न भागहरुमा फाइदा पु¥याउदछ । एक सय ग्राम माछामा २५ ग्राम प्रोटिन पाइन्छ । रातो सासु भएको भन्दा सेतो मासु भएको माछा स्वास्थ्यको लागि राम्रो मानिन्छ ।

७. बदाम :

बदामले पनि हाम्रो शरीरलाई आवश्यक प्रोटिनको मात्रा पुरा गर्न मद्दत गर्दछ । बदामको प्रयोग गर्दा हामीले एकपटकमा ३० ग्राम प्रयोग गर्नुपर्दछ । जसमा सात ग्राम प्रोटिन पाइन्छ ।

८. सोयाबिन :

सोयाबिन स्वास्थ्यको लागि र प्रोटिनको लागि सबैभन्दा राम्रो मानिन्छ । यसले प्रोटिनको मात्रा पुरा गर्नुकोसाथै तौल घटाउनमा पनि मद्दत गर्दछ । यसको प्रयोग आवश्यकता भन्दा बढी गर्नुहुदैन । यसको प्रयोग ५० ग्राम जति गर्न सकिन्छ । जसमा २५ ग्राम प्रोटिन पाइन्छ । यसको प्रयोगले मुटुलाई स्वस्थ राख्नमा मद्दत गर्दछ ।