काठमाडौँ । आजदेखि १० औँ राष्ट्रिय परिवार योजना दिवस सप्ताहव्यापी रूपमा मनाइँदै छ ।
स्वास्थ्य सेवा विभाग अन्तर्गतको परिवार कल्याण महाशाखाले सोमबार विज्ञप्ति जारी गर्दै परिवार योजना सेवाले आमा तथा बच्चाको स्वास्थ्य सुधारमा योगदान पुर्याएको उल्लेख गरेको छ । महाशाखाले यस सेवाको पहुँचमा पर्याउनका लगानी वृद्धि गर्न आवश्यक रहेको जनाएको छ । नेपालमा करिब ५३% मातृ मृत्युदरलाई कमी ल्याउन परिवार योजनाको योगदान रहेको एक अध्ययनले देखाएको छ । राष्ट्रिय जनगणना २०७९ मा अनुसार प्रतिलाख जीवित जन्ममा मातृ मृत्यु १५१ रहेको महाशाखाले उल्लेख गरेको छ ।
विश्व स्वास्थ्य संगठनका अनुसार दम्पतीले दुई गर्भबीच कम्तीमा २ वर्षको अन्तर कायम गरेमा परिवार योजना सेवाले ३०% मातृ मृत्यु र १० % बाल मृत्यु घटाउँदछ ।
२० वर्ष उमेर नपुगी गर्भवती हुनबाट रोक्न, उपयुक्त जन्मान्तर कायम गर्न, अनिच्छित गर्भ रोकी महिलाको स्वास्थ्य र सशक्तीकरण गर्नका साथै जलवायुमा पर्ने नकारात्मक प्रभावलाई कम गर्न सहयोग पुर्याउने भएकाले परिवार योजनाको पहुँचको सुनिश्चितता आवश्यक रहेको परिवार कल्याण महाशाखाले जारी गरेको विज्ञप्तिमा उल्लेख छ ।
यहाँ प्रकाशित कुनै समाचारमा तपाईंको गुनासो भए हामीलाई info@purakhabar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
भाद्र १२, २०८३ शुक्रबार
54 Views
भाद्र ११, २०८३ बिहिबार
64 Views
भाद्र ११, २०८३ बिहिबार
123 Views
भाद्र ११, २०८३ बिहिबार
73 Views
