काठमाडौँ – प्रधानमन्त्री केपी शर्मा ओली जनता समाजवादी पार्टीका नेतालाई छलफलका लागि बालुवाटार बोलाएका छन् । जसपाका एक नेताका अनुसार बिहीबार अपरान्ह ५ बजे प्रधानमन्त्रीले जसपा नेताहरुलाई छलफलका लागि बोलाएका हुन् ।
सर्वोच्च अदालतले नेपा कम्युनिष्ट पार्टी (नेकपा) खारेज गरिदिएपछि नेकपा एमाले र माओवादी केन्द्र पुरानै अवस्थामा फर्किएको छ । अदालतले नेकपा एमाले र नेकपा माओवादी केन्द्रको एकता निष्क्रिय बनाईदिएसँगै सत्ता सहकार्यको लागि प्रधानमन्त्री ओलीले जसपाका नेताहरुसँग छलफल गर्दै आएको हो ।
वर्तमान सरकारलाई नेकपा माओवादी केन्द्रले समर्थन फिर्ता लिएमा एमालेले सरकार टिकाइराख्न अर्को पार्टीको साथ लिनुपर्ने भएका कारण प्रधानमन्त्री ओलीले जसपाको साथ खोजेको छ ।
संसदमा निर्वाह गर्ने भूमिकाका विषयमा जनता समाजवादी पार्टीका संघीय परिषद अध्यक्ष डा. बाबुराम भट्टराई, अध्यक्षद्वय महन्थ ठाकुर र उपेन्द्र यादव तथा वरिष्ठ नेताहरु राजेन्द्र महतो, र अशोक राई बिहीबार छलफलमा बसेका थिए । साँझ प्रधानमन्त्रीसँग भेटवार्ता गर्ने तय भएको जसपाका एक नेताले बताए ।
जनता समाजवादी पार्टीसँग सत्ता सहकार्यका लागि नेकपा एमालेसँगै नेकपा माओवादी केन्द्र र नेपाली कांग्रेसले पनि छलफल गरिरहेको छ । तर जसपा नेताहरुले आफूहरुको माग पूरा गर्नेलाई सहयोग गर्न सक्ने जवाफ दिएको छ ।
यहाँ प्रकाशित कुनै समाचारमा तपाईंको गुनासो भए हामीलाई info@purakhabar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
अषोज २७, २०८३ मंगलबार
61 Views
अषोज १६, २०८३ शुक्रबार
107 Views
