रुपन्देहीको कञ्चन गाउँपालिकामा करेन्ट लागेर एक मजदुरको ज्यान गएको छ । कञ्चन गाउपालिका वडा नं. ४ स्थित क्षेत्री टोलमा करेन्ट लागेर कपिलवस्तुको बाणगंगा १० गोगापुर बस्ने अन्दाजी बर्ष ५५ का घुराह प्रसाद थारुको मृत्यु भएको भएको ईलाका प्रहरी कार्यालय रुद्रपुरले जनाएको छ ।

प्रहरीका अनुसार सोही वडाको क्षेत्रीटोल बस्ने भिमकुमार काउचाको घरको तेस्रो तलाको ढलाईका लागि सटरिङ्ग गर्ने क्रममा फलामको छडले विद्युतको हाईटेन्सन तारमा छँुदा दिउँसो करिब १ बजेको समयमा थारुको मृत्यु भएको प्रहरीले जनाएको छ । मृतकको शव पोष्ट मार्टमका लागि लुम्बिनी प्रादेशिक अस्पताल बुटवल पठाइएको ईलाका प्रहरी कार्यलय रुद्रपुरले जनाएको छ । सो घर निर्माणका लागि स्थानीय निर्माण व्यवसायी टेकबहादुर काउचाले ठेक्का लिएका थिए ।