२१ फागुन, काठमाडौं । प्रधानमन्त्री एवं नेकपा ओली समूहका अध्यक्ष केपी शर्मा ओलीले आफूहरुले कसैलाई पनि प्रधानमन्त्री पद प्रस्ताव नगरेको बताएका छन् ।
नेकपा विप्लव समूहसँग भएको तीनबुँदे सहमतिमा हस्ताक्षर गर्न राष्ट्रियसभा गृहमा आयोजित कार्यक्रममा ओलीले पार्टीका केही नेताहरु आफ्नो पार्टीको सरकार ढालेर अरु कसैलाई प्रधानमन्त्री बनिदिनुस् न भनेर किस्तीमा राखेर हिँडेको बताए ।
उनले आफूहरुबारे भ्रम छर्ने प्रयास भएको भन्दै अघि भने, ‘हामीले अनुचित ढंगले कसैलाई प्रधानमन्त्रीको प्रस्ताव राख्ने वाला छैनौं । कसैलाई प्राधानमन्त्री पद प्रस्ताव राखेका पनि छैनौं ।’
नेकपाको अर्को समूहले नग्नताको हद देखाएको ओलीले टिप्पणी गरे । ‘आफ्नो दुई तिहाइ फोडेर छाड्ने, भत्काएर छाड्ने, किस्तीमा प्रधानमन्त्री खाइदिनुस् न भन्न अन्त जाने, हामी बनाउँछौं नि प्रधानमन्त्री लिइदिनुस् न, हामी छौं नि तपाईंका पछाडि लाग्ने भन्ने’ उनले भने ।
आफूले नेतृत् वगर्न छाडेर अरुलाई नेतृत्व लिइदिनुस् न भन्न जानु मार्क्सवाद नभएको पनि ओलीले बताए ।
संसद विघटन बदर भएपछि तमासा सुरु भएको भन्दै ओलीले भने ‘यो तमासा नेपाली जनताले हेर्दै जानुपर्ला । त्यसका परिणाम हेर्दै जानुपर्ला ।’
अहिले सरकार ढाल्ने ठूलो प्रयास भएको भन्दै ओलीले २०७३ सालमा आफूलाई प्रधानमन्त्रीबाट हटाउँदा जस्केलाबाट नभई मूल ढोकाबाटै प्रधनमन्त्री हुन्छु भनेको र निर्वाचन पछि प्रधानमन्त्री भएर देखाएको टिप्पणी गरे ।
यहाँ प्रकाशित कुनै समाचारमा तपाईंको गुनासो भए हामीलाई info@purakhabar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
अषोज २७, २०८३ मंगलबार
56 Views
अषोज १६, २०८३ शुक्रबार
107 Views
