काठमाडौ । जारी मतगणनामा हालसम्म समानुपातिकतर्फ सबैभन्दा धेरै मत पाउने पार्टी नेकपा एमाले रहेको छ ।
९ लाख ५ हजार ७ सय ५५ मत गणना हुँदा एमालेले २ लाख ५२ हजार ५ सय ३४ मत ल्याएर सबैभन्दा अगाडि रहेको छ । जुन हालसम्म गणनाको २७ प्रतिशत हो ।

दोस्रो स्थानमा नेपाली कांग्रेस रहेको छ । कांग्रेसले अहिलेसम्म १ लाख २९ हजार १ सय ६४ मत पाएको छ । जुन २५द प्रतिशत हुन आउँछ । यस्तै, तेस्रो नम्बरमा राष्ट्रिय स्वतन्त्र पार्टी रहेको छ । राष्ट्रिय स्वतन्त्र पार्टीले हालसम्म १ लाख १९ हजार ८ सय ८९ मत पाएको छ । यो मत हालसम्म गणनाको १३ प्रतिशत हुन आउँछ ।

चौँथो नम्बरमा नेकपा माओवादी केन्द्र परेको छ । माओवादी केन्द्रले १ लाख ५ हजार ८५ मत पाएको छ । जुन ११.६० प्रतिशत हुन्छ । माओवादी भन्दा पछाडि पाँचौ नम्बरमा राष्ट्रिय प्रजातन्त्र पार्टी रहेको छ ।

राप्रपाले हालसम्म ६.८३ प्रतिशत अर्थात ६१ हजार ९ सय ५१ मत पाएको छ । यस्तै, छैठौं नम्बरमा नेपाल मजदुर किसान पार्टी रहेको छ । नेमकिपाले २० हजार ५० मत पाएको छ । जुन हालसम्म गणना भएको मतको २.२१ प्रतिशत हो । सातौं नम्बरमा रहेको जनता समाजवादी पार्टीले १९ हजार ५ सय ८६ मत पाएको छ ।

जनमत पार्टीले १७ हजार ९ सय ५९ मत पाउँदै आठौं नम्बरमा परेको छ । माधव नेपालको एकीकृत समाजवादी पार्टी नवौँ नम्बर रहेको छ । यो पार्टीले १४ हजार ३ सय ७३ मत पाएको छ । यो हालसम्म गणना भएको मतको १.३९ प्रतिशत हो । यस्तै अन्यले ५.८ प्रतिशत अर्थात ५२ हजार ५ सय ३७ मत ल्याएका छन् ।