जतिबेला १४ ईन्चीकाे black & white टिभि पनि गाउँघरका एकाध धनमानीका घरमा हुन्थ्यो । त्यतिबेला देखि चलेको हिजोआजका कुरा हास्य टेलीसिरियलले सबैको मन जितेको थियोे । गाउँ भरिका मान्छेहरु जस्को घरमा टिभि थियो तेहि जम्मा हुन्थे। कोहि भित्रै गएर हेर्न पाउथे कोहि बाहिर बसेर हेर्थे भने कोहि झ्यालबाट हेरेर चित्त बुझाउथे तर न हेरि छोडदैनथे। भोलि पल्ट सथिभाइ संग भेट् हुदा गपशप पनि हिजोआज का कुराको नै हुन्थ्यो। सान्दर्भिक बिषयबस्तु लाई कथामा उतारेर जिवन्त अभिनय गर्ने सन्तोष पन्थ र रमा थपलिया को जोडी यसरी जमेको थियो कि सारा दर्शकको मन मुटुमा बस्न सफल भएका थिए । यही ब्रान्ड नाममाथि निर्माण भएको फिल्म ‘हिजो आजका कुरा’ अस्ट्रेलियाको डार्विनमा प्रदर्शन हुने भएको छ।

सिरियलकै मुख्य कलाकार द्वय सन्तोष पन्त र रमा थपलियाको अभिनय रहेको यो फिल्मले विदेशसँग सरोकार राखेका वा राख्न इच्छुक काठमाडौंका चार परिवारको पारिवारिक समस्या, संघर्ष र आतुरतासँगै विदेश जानका लागि केही न केही गुमाउनु पर्ने कथालाई उठान गरेको छ ।

साकार पन्त निर्देशित फिल्ममा सन्तोष र रमासँगै, दिव्य देव, साकार पन्त, ऋचा शर्मा, रीमा विश्वकर्मा, केकी अधिकारी, जेविका कार्की, जयनन्द लामा, अनुष्का घिमिरे, विनायक कुइकेललगायतको अभिनय छ । रवि सायमीले खिचेको फिल्मको कार्यकारी निर्मातामा प्रतिभा पन्त, निर्मातामा सन्तोष पन्त र सकार पन्त छन् भने सह-निर्मातामा बैकुण्ठ प्रसाद उपाध्याय र कुमार मिश्र छन् । जुन फिल्मको ए जदौ माया जदौ गीत पहिल्यै हिट भइसकेको छ भने तेहि फिल्म हिजोआजका कुरा अष्ट्रेलियाकाे Darwin city मा नोभेम्बर 25 मा लाग्दै छ । Pant Film Production र  Fusion Media Production ले  Casuarina Square को BCC hall मा साझ 7 बजे बाट सुरु हुने उक्त फिल्म हेर्न Darwin मा बसोबास गर्ने सबै नेपाली दाजुभाइहरुलाइ हार्दिक अनुरोध समेत गरेको छ।

अमेरिका , क्यानडा , लगायत विश्वका विभिन्न मुलुकमा प् भैरहेको यो फिल्म हेर्न न छुटाउनु हुन ईज्जत मिडिया, पुराखबर समेत हार्दिक अनुरोध गर्दछ। टिकट को अग्रिम बुकिङ्ग गर्न  Click For Ticket मा गएर बुक गर्न सकिन्छ।