यसै परिप्रेक्षमा कुरा गर्दा डार्विनमा क्रियाशील रहेको Darwin Hearts Football club लाइ लिन सकिन्छ। २०१० सालको  सुरु सुरुको अवस्थामा रमाइलोको लागि १० / १२ जना साथी-भाइ जम्मा भइ खेल्ने गरेको फुटबल खेललाई स्थापित गर्नु पर्छ र एउटा फुटबल टिमनै किन नबनाउने भन्ने सोच, फुटबल भने पछि मरिहत्ते गर्ने फुटबल खेलमा आतिनै रुचि राख्ने हेम पुनले साथीहरु माझ प्रस्ताव राखे पछि २०१० सालमै बन्यो एउटा फुटबल टिम जसको नाम राखियो Darwin Hearts Football club . डार्विनमा रहेका नेपालीहरुको संगठन NANT को सहयोग र साथीभाइ बीच केहि रकम संकलन गरि स्थापित  गरिएको यो फुटबल क्लब बिश्व माझ चिनाउन समेत सफल भयका छन्। नेपालमा रहदा नेपालको RCT साथै स्थानीय क्लब बाट फुटबल खेली सकेका खेलाडी हेम पुनको सक्रियतामा बनेको यो क्लबको अध्यक्षता सुरुका दिन देखि २०१८ सम्म वहाले नै सम्हाल्दै आउनु भएको थियो। २०१९ बाट भने यस क्लबको अध्यक्षता संजय गुरुङले गर्दै आउनु भएको छ।अहिले आएर डार्विनमा नेपालीहरुको बाक्लो उपस्थिति संग-संगै फुटबल खेल प्रति रुचि राख्ने खेलाडी पनि क्रमश बढ्दै गइरहेको र क्लबले उत्पादन गरेका नया खेलाडी समेत तयार भइ रहेको सन्दर्भमा हाल यस क्लब अन्तर्गत २ वटा पुरुष टिम, १ महिला फुटबल टिम छ भने ४ वटा बालबालिकाको टिम क्रियाशील छन्।

यस क्लबको संचालन कसरी भइरहेको छ, आर्थिक चाजो पाजो कसरी मिलाउनु हुन्छ भन्ने जिज्ञासामा यस क्लबका भुत पुर्व अध्यक्ष र हालका संरक्षक हेम पुन भन्नुहुन्छ, आहिले लगभग बार्षिक ७०-८० हजार डलर खर्च आउने यस क्लबलाइ बिभिन्न बिज्ञापनदाता बाट सहयोग पुगेको छ भने यस क्लबको स्कोप बढी भएकोले नयाँ भौतिक संरचनाका लागि NT सरकारसंग ग्रांट माग्ने प्रक्रिया समेत आगाडी बढाइसकेको वहा बताउनुहुन्छ ।  

                     हेम पुन

२००७ मा नेपालबाट अस्ट्रेलियाको गोल्डकोस्ट सिटीमा तिन बर्ष बितायपछि २०१० मा डार्विन आउनु भएका हेम पुन एक कुशल  फुटबल खेलाडी हुनुहुन्छ। देशमै बसेर केहि गर्नु पर्छ भन्ने भावले साइप्रसमा Hotel Management को अध्यन गरेर आफ्नै देशमा होटेल ब्यवसाय गरि केहि गर्छु भन्दा भन्दै पनि देशको त्यतिबेलाको असहज परिस्थितिले गर्दा बिदेशिन बाध्य भएको तितो यथार्थ समेत बताउनु हुन्छ । विदेशमा रहेर पनि बिभिन्न सामाजिक संघ-सस्थामा आबद्ध हेम पुन २०१३-२०१४ मा NANT को  कार्यसमिति सदस्य,२०१३ देखि २०१७ सम्म NANT स्पोर्ट्स कोडिनेटर र २०१५ मा NRN को कार्यसमिति सदस्य हुदै आहिले NRN अस्ट्रेलियाको Vice President साथै NT State Coordinator को पदमा हुनुहुन्छ। कुनै समय NRN र NANT बीच भएको केहि असमझदारीलाइ समेत आफु मध्यस्तकर्ता भइ सहि निर्णय दिई टुंग्याएको वहा बताउनुहुन्छ।

ब्यक्ति भन्दा समाज र समुदायका निम्ति बिना स्वार्थ काम गर्नु पर्ने र राजनितिक भन्दा भावनात्मक सम्बन्धले धेरै सुधार आउने वहाको तर्क छ। अब हरेक कुराको जिम्मा युवाले लिनु पर्ने भएकोले अग्रजको सल्लाह सुझावमा नया पिढीले हरेक संघ सस्थाको बाघडोर समाल्न पर्ने भएकोले, हरेक युवालाइ आघि बढ्न समेत वहाले आग्रह गर्नु भयो।  पुराखबर अनलाइन को तर्फ बाट क्लबका संरक्षक हेम पुन लगाएत Darwin Hearts Football club को प्रगतिको कामना गर्दछ।