अस्ट्रेलियाको नर्दन टेरोटरी राज्यको डार्विन शहरमा OUTBACK Steaks and curry को नाम ले संचालित होटेल, केहि समय नबित्दै तोडफोड र चोरीको प्रयास  भएको छ। तोडफोडले गर्दा होटलको छत पुरै उक्किएको छ।

नेपाली समुदायका दीपक शर्मा जो यस होटलका संचालक हुन् उनि भन्छन ” म सिटिको नजिकै बस्छु तर पनि घरमा हुदा रात भरि निद्रै लाग्दैन खालि सिसी क्यामेरा हेरी राख्छु ‘

फेब्रवरी २ मा पहिलो चोटी छत फोडेपछि स्टिलको बार सहित बनाएको थियो।  त्यसको  लागि निकै खर्च लागेको र एकै प्रकारले एउटै ठाउमा प्रत्यक चोटी भएको एस्तो कार्यले गर्दा ब्यापार गर्न निकै निराश बनाएको उनि बताउछन।

आहिले सम्म तिन चोटी चोरीको प्रयास भइ सकेको र  कहिले रक्सीका बोतलले हानेर क्षति गराउने त कहिले वाइनका बोतल नै चोरि गर्ने गरेको उनि बताउछन। प्रहरीमा उजुरी भइ सकेको र घटनामा संलग्नको खोजि हुदै गरेको यहाको प्रहरीले जानकारी दिएको छ।