न्यूजिल्याण्ड । न्यूजिल्याण्डमा रहेका एक नेपालीले आफ्नै साथीलाई अचेत हुने गरी कुटपिट गरेपछि उनलाई न्यूजिल्याण्ड छाड्न अथवा डिपोरटेसन भोग्न आदेश दिइएको छ ।

सन् २०१८ देखि अध्ययन तथा काम गर्ने भिसामा न्यूजिल्याण्डमा रहेका २४ वर्षिय पारस भण्डारीमाथि सन् २०२० को जुलाईमा कुटपिट गरेको तथा हत्या गर्ने चेतावनी दिएको आरोप प्रमाणित भएको थियो ।

आफ्नो रक्सी खाने तथा पार्टी गर्ने कुराबारे आफ्नो परिवार तथा साथीलाई भनेको आरोपमा भण्डारीले उक्त व्यक्तिमाथि कुटपिट गरेको अदालतमा जनाइएको खवर न्युजिल्याण्डका स्थानिय संचारमाध्यमहरुले उल्लेख गरेका छन् ।

भण्डारीले उनलाई भित्तामा धक्का दिएको तथा उनी अचेत नहुन्जेलसम्म मुख र टाउकोमा कुटपिट गरेका थिए । पीडितको नाक भाच्चिनुका साथै कैयौ स्थानमा चोकपटकको दाग देखिएको थियो ।

होटल सेफको रुपमा काम गरिरहेका भण्डारीलाई ६ महिनाको कम्यूनिटी डिटेन्सनमा राखिनुका साथै पीडितलाई एक हजार डलर जरिवाना तिराउन आदेश गरिएको थियो ।

सन् २०२० को अगस्टमा उनलाई डिपोसेटनको आदेश दिइएको भएपनि उनले यसको विरुद्ध इमिग्रेसन एण्ड प्रोटेक्सन ट्रिव्यूनलमा निवेदन दिएका थिए ।

तर ट्रिव्यूनलले उनको आवेदन खारेज गरिदिएको छ र उनको भिषा यो निर्णय सार्वजनिक भएको २८ दिन भित्र सकिनेछ ।

डिपोटेसनबाट बच्न भण्डारीले २८ दिन भित्रै न्यूजिल्याण्ड छाड्नु पर्ने छ अथवा कोभिडका कारण नेपालको हवाई जहाजको टिकेट नपाउने भन्दै टेम्पोररी भिषाको लागि आवेदन दिन सक्नेछन् ।

यस अघि ट्रिव्यूनलमा भण्डारीले न्यूजिल्याण्डले आफूलाई राम्रो मानिस बनाएको, आफूलाई न्यूजिल्याण्डमा आउन परिवारले ठूलो रकम खर्च गरेको तथा आफू कोभिड र लकडाउनको समयमा अत्यावश्यकिय काम गरेको तर्क गर्दै भण्डारीले आफूलाई डिपोर्ट नगर्न आग्रह गरेका थिए ।