एजेन्सी, काठमाडौं । यस वर्षको विश्व सुन्दरी ताज पोल्यान्डकी क्यारोलिना बेलावस्काले जितेकी छिन् । ४० जना प्रतिस्पर्धीलाई पछि मार्दै बेलावस्काले उपाधि जितेकी हुन् ।

आज बिहान अमेरिकामा भएको ७०औँ संस्करणको मिस वर्ल्ड ग्रान्ड फिनालीमार्फत बेलावस्का विजेता घोषित भएकी हुन् । विश्व सुन्दरी प्रतियोगिताको उपाधि जितेकी पोल्यान्डकी क्यारोलिना बेलावस्काले अहिले स्नातकोत्तर गर्दैछिन् । आयोजकका अनुसार पीएचडी गर्ने उनको योजना रहेको छ । मोडलिङ समेत गरिसकेकी उनी पछिल्लो समय कलाकारितामा जम्न थालेको बताइएको छ ।

यस्तै, अमेरिकाकी श्री साइनी फस्ट रनरअप र कोटे डी आइभोरकी ओलिभिया एस सेकेन्ड रनरअप भएका छन् । यस्तै, ब्युटी विथ पर्पसको उपाधि अमेरिकाले जितेको छ । मिस नेपाल नम्रता श्रेष्ठ भने अन्तिम १२ मा छनौट हुनबाटै रोकिएकि छिन ।