आवास परियोजना अन्तर्गत केहि घरहरुको निर्माण कार्य सम्पन्न भएको हुनाले नायक हमालले औपचारिक शुभारम्भ गरेका हुन् । सो अवसरमा परियोजनाको अवलोकन गर्दै नायक हमालले वृहत तथा व्यवस्थित योजना रहेको बताउँदै देशकै नमूना आवास क्षेत्र बन्ने विश्वास व्यक्त गरे। उनले भने‘ ठूलो क्षेत्रमा धेरै घरहरु व्यवस्थित रुपमा बन्दै रहेछन् । सम्पन्न घरहरु आकर्षक र समयअनुकूल लाग्यो । वृहत योजना व्यवस्थित त देखियो नै गुणस्तरमा पनि विशेष जोड दिएको पाएँ। यसको निर्माण सम्पन्न भए लगत्तै देशकै नमूना आवास क्षेत्र बन्छ भन्ने लाग्यो ।’

उद्घाटन समारोहमा प्रा.लि.का अध्यक्ष नेत्र वनले परियोजना सम्बन्धी नायक हमालले राखेका जिज्ञासाहरुको जवाफ दिएका थिए । सो अवसरमा उनले बढ्दो शहरीकरण र प्रदुषणलाई मध्य नजर गर्दै बुटवल र भैरहवाबीचमा व्यवस्थित र आधुनिक बसाइका लागि विशेष आयोजनाका साथ अगाडि बढेको बताए । उनले समय सापेक्ष सबै साना,ठूला सबै परिवारका लागि आवास उत्तम हुने दावी समेत गरे।

कम्पनीले तिलोत्तमा–७ भलवारीमा झण्डै ६ विगाहा क्षेत्रफलमा सुरु गरेको आवास विकास परियोजनामा घर बुकिङ गर्ने क्रम जारी रहेको कम्पनीका सेल्स एण्ड मार्केटिङ प्रमुख सुदिप ढकालले बताए। साथै उनले घर बुकिङ गर्न चाहानेहरुले निर्माण सम्पनन भएका घर अवलोकन गरेर खरिद तथा बुकिङ गर्न सक्ने जनाए ।

जम्मा १०९ वटा घर बन्ने परियोजना अन्तर्गत ५५ घर बन्दै जसअन्तर्गत २० वटाको ढलानको काम सकिएको र ३५ वटाको जगको काम सकिएको परियोजना म्यानेजर यदुराज बरालले बताए ।

उद्घाटन समारोहमा तिलोत्तमा नगरपालिका प्रमुख बासुदेव घिमिरे, कम्पनीका सञ्चालक विष्णु भुसाल ,सिए हरि लम्साल, सिइओ प्रकाश भण्डारी, कम्पनीका अन्य सञ्चालक सदस्य तथा कर्मचारीहरु लगाएतको सहभागिता रहेको थियो ।