संसारमा एलियन्सको अस्तित्वको बारेमा धेरै दाबीहरू गरिएका छन् ।

एलियन्सबारे वैज्ञानिकहरूको राय पनि समान छैन । एलियन्स र यूएफओबारे समय समयमा विभिन्न दाबीहरू गरिन्छ ।

अब फेरि एकपटक एलियन्स वर्षौंअघि पृथ्वीमा आएर यहाँ बसेको दाबी गरिएको छ । अब मानिसले एलियन्स पत्ता लगाउन अर्को ग्रहमा जानु पर्दैन भन्ने दाबी छ ।

विश्वलाई अहिलेसम्म एलियन्सको बारेमा कुनै जानकारी छैन । तर, अब एक यूएफओ अनुसन्धानकर्ताले एलियन्स पृथ्वीमा आएको दाबी गरेका छन् ।

अनुसन्धानकर्ताले यसको भिडियो पनि जारी गरी आफ्नो दाबीलाई सही ठहर गर्ने प्रयास गरेका छन् ।

ताइवानी अनुसन्धानकर्ता स्कट सी वारिङले गुगल नक्सा मार्फत पृथ्वीमा एलियन्स भएको प्रमाण देखाएका छन् । उनले यसको भिडियो युट्युब च्यानलमा शेयर गरेका छन् । यो तथ्य लुकाएर राखिएको उनको दाबी छ ।

गुगल म्यापमा केही नयाँ देखिएको उनको भनाइ छ । जब उनले म्यापलाई पछाडि लगे, तब उनले अन्टार्कटिकाको बरफमा ठूला धारहरू देखे । यी लाइनहरू दशकौं पुरानो हुन सक्ने उनले बताए । त्यहाँ उत्खनन भएको उनको भनाइ छ । कार र ट्रयाक्टरहरू देखिन्छन् जसबाट ठूलो उत्खनन गरिएको छ ।

युएफओ अनुसन्धानकर्ताले विमानस्थलको संरचना पनि देखिने बताए । यो उत्खनन गर्न वैज्ञानिक र सेना जम्मा भएको जस्तो देखिने उनको भनाइ छ ।

अन्टार्कटिकाको बरफमा पुरानो एलियन संरचना देखा परेको उनको विश्वास छ ।