नर्दन टेरिटोरीको डार्बिनमा जनवरीको २ तारिखमा गुरुङ्ग समुदायले ल्होछारको कार्यक्रम गर्ने भएका छन् । गुरुङ समाज डार्बिनले नेपलीज  एशोसियसन अफ नर्दन टेरिटोरी र गैर आवासिय नेपाली संघ नर्दन टेरिटोरीसंग मिलेर ल्होछारको कार्यक्रम गर्न लागेको हो । मलक हिन्दु मन्दिर परिसरमा हुन लागेको कार्यक्रममा गुरुङको परम्परागत नृत्य तथा डोरी तान्ने र घैटो फुटाउने खेल खेलिने समाजले जनाएको छ । रात्री भोजसहितको कार्यक्रममा प्रवेशका लागि वयष्कले ४० डलर र ५ देखि १२ वर्षसम्मकाले २० डलर तिर्नुपर्नेछ ।

कार्यक्रमको सफलताको कामना गर्दै NRNA-NT अध्यक्ष बिष्णु चापागाईंले डार्विन लगाएत NT मा बसोबास गर्ने सम्पूर्ण गुरुङ समुदायलाई तमु ल्होछार पर्वको शुभकामना ब्यत गर्नु भयो। कुनै पनि समुदायको कला र संस्कृति को प्रवर्दन गर्न गैर आवासिय नेपाली संघ सधै तयार रहने जानकारी समेत दिनु भयो।

गुरुङ अर्थात तमु जातिको नयाँ वर्षलाई ल्होछार भनिन्छ । १२ वटा जनावर रहेको गुरुङ पात्रोमा हरेक वर्ष एउटा जनावरले भोग गर्छ । पात्रो अनुसार पुस १५ मा जनावर परिवर्तन हुने दिनलाई गुरुङहरुले नयाँ वर्षका रुपमा मनाउने गरेका छन् । यसपाली गुरुङहरुले गाई वर्षलाई बिदाई गरि बाघ वर्षलाई स्वागत गर्दैछन् । गुरुङ चलन अनुसार जुन जनावरको बेलामा मानिसको जन्म भयो उसको वर्ग पनि त्यहि जनावरको नामबाट राखिने गरिन्छ । गुरुङ समुदायमा वर्गको महत्व अन्य समुदायको चिना जस्तै हो ।